قصيدة بت بيوت هي ظاهرة بل وآفه أجتماعية
و رسالة مالحة الى بت البيوت المحصنة (المتزوجة)
التي لم تعطي بيتها وزوجها حرمته
يبت بيوت
مو كَلتي العشكَـ عذري
مو كَلتيلي حتى ابليس مايندل درب خدري
زحمـــة أهـــواج ..
البراسه ونين كَبور مايعشكَـ سلف مهجور
خلصت السعف مابين ذبله وريح
حطني براسه بالله شرايد التنور
وحكَـ كَذلة صريفتنه
وحكَـ بتوت الحديثات
ورفة شارب أهل الهور
وحكَـ كل غَرفه بيها إستلذ هرش الكَاع
من يفترعشكَـ مامنتخي الناعور
بَي فدعة وكلام شيوخ
أطلابه وبيها حكَـ معدان
فصليه بعرسها وفزعتلها اخوان
ماتلكَين بس طفين ضل أبالي من عاشور
كم عاشكَـ تمشركَـ زلفج بجفه
مارديتي إي تعبان
ياهل يختل ابفيج يجر سعفه
چريمه ...
چريمه وعثكَج المايرد أي جوعان
يمحرمه عليه مو عثكَج الحشمه
يبت بيوت
من كَلتي السترعنوان
باهدت البلابل من بنيت عشوش
وبندافة العش توسدت غربان
يبت بيوت
من كَلتي السترعنوان
چا عطر الظفيرة اشجابه يم فلان
حــانه حـــانه بخلكَج ايترسون
چم واحد لكَيتة منتشي وسكران
يمغيضه الشعر والشال
يمدثرة الستر بالريح
يبت بيوت
من كَلتي السوالف زحمة يم خرسان
ركَصت شفتج اعله سوالف البطران
يبت وادم ضحكتج تارسه اشجم ذآن
من انكث وجنتج تنخرط چم عين
يرخيصه يالمسيره ضحك صبيان
طلكَـ هرش الستر يالكَصتج معسره
الخشن بس يعكَب الغربيل شتفسره
اعله كومة سراب مساومة العِشره
نهوه البرحي مادام العثكَـ حــامي
بس الينطي روحه بريح مانشريه
ويضل تارس الكَيعان
ونشيل اهدومنة من انفوت لا خاف نتثلكَـ بي
ونشيل اهدومنة من انفوت لا خاف نتثلكَـ بي
رد مع اقتباس
المشاركة الأصلية كتبت بواسطة سحر الانوثة
