يادنيا وانتي التدرين!!
حسين الساعدي
:::::

محتارين
يادنيا وانتي التدرين
وخسرانيين
وما جذبنه اويه الغالين

صَدكنه اوياهم عافونه
ومشتاكين وشو ماجونه!

خلونه ابدمعات العين!
يادنيا وانتي التدرين!


::::::::::::

حبيناهم حُب الاول
مو جذبت هاي الايام

مانعرف بالشوك اتبدل
والفرحه الصارت اوهام!

صفينه
النيه وخبطوها!
مجروحه الروح وعافوها!

وما ادريهم صارو وين؟
يادنيا وانتي التدرين

:::::::::::

جانوا يبجون ابلهفتهم
يادنيا وياما ايحلفون!

ما ادري اتجذب دمعتهم
وما أدري اشكد ايمثلون!

زرعولي الدمعات ابعيني
وبين الشمات امخليني!

واشكد باكوا مني اسنين!
يادنيا وانتي التدرين
حسين االساعدي