شبسرعة وأجت لحظات الأوداع
بعدني لفركَتك ماحاسب حساب
أنا بيا عين اصد وما ألاكَيك
وأنت بكل فرج خليتلك باب
من عندك عرفت اليفكَد أعزاز
يتعوض بصاحب خوته تنهاب
مو كل لجمة تبقى اباب الجروح
مرات الجرح مايلكَة عطاب
صدكَـ ماشوفك ولا تستلذ بيك
عمت عينه اليظل بلايه أصحاب
ماجنك هذاك الجنت وياه
على كل شي بحياته محظر اعتاب
الومك من اشوفك كَاعد هناك
يم ذيح التحبه أم الحجاب
وكل ضني جنت ماتوكَف وياي
رغم ما جنت واكَف للعشكَـ باب
اقراك واعرفك من العيون
جنت كَبالي أشوفك واكَف كتاب
كَبل لاتحجي أحس بحركَة الـ آه
تحس كَبل الشجر ذرات التراب
نسولف نختلف بالليل ونام
وتكَاعدني الصبح والظن فلا خاب
نتزاعل وأظن عيوني صبيّر
ونتشابكَـ وغيمة دموعي تنساب
مثل لحظات مرن اربع سنين
طلع نخوة بعد ماجينه طلاب
طلع نخوة بعد ماجينه طلاب
رد مع اقتباس
المشاركة الأصلية كتبت بواسطة sawsanmahmoud
