هنا

[احمد العثمانيے]

الشاعر محسن الدخيلي || حلم || بصوت الرائع والجميل محمد الاميري 2016 (mp3+مكتوبة)





دوريت..سنين عمري عليك كلهن دورتهن
وحده وحده ومالگيت
ودوريت اوراقي وبيوت القصايد
بيت بيت وچان طاريك يمر ليليه بيه
شفتك اويه اوراقي چلمه
وشفتك عذيبي ويه نسمه
ونته بس انته حبيبي الما اجيت
يالذيذ الروح وحشه وداعتك وحشه الليالي
اشگد الك عطشانه روحي
انته تدري اشگد احبك لو نسيت
اه لو تدري حبيبي شگد احبك ما نسيت
يالذيذ الشمه ياطعم الزلال
القصيده عليك تسالني شگول ?
اختنگت حروف القصايد بالسؤال
الفرگه ضيم او فرفحت روحي على شوفك
كافي يمعود تعال سنيني ذبلت بالسوالف
ماهداك الله وتجيني
الدنيه ظلمه ومشتهيك بليله وحشه
مشتهيك حچايه ترفه
مشتهيك بعينك اغفه
ارموشك تغطيني وادفه
ياامير بكل ليالي الماتنام
تدري من شفتك حبيبي
من حلاتك گمت احب روحي التحبك
تدري من شفتك حبيبي
الليل شو صبح نهار
وتدري من شفتك حبيبي
بسمة شفافك طعم بوسة حبيب
وبوسة العشاگ خبزه
ونعمة الله وياهو ما يتمنه نعمه
وتدري من شفتك حبيبي
خزرة عيونك بعدهي براسي
مكتوبه قصيده وخضرت باوراقي نغمه
تدري من شفتك حبيبي
عيونك تگلي تعال
وانه شاعر
هيه دنيه بلا عشگ تسمه دنيه
لذة بنادم حبيبه
وهيه قسمه وكلمن وحظه ونصيبه
المايجيبه البخت لا ..

---

للأستماع من هنااااا
للتحميل المباشر من هنااااا