المشاركة الأصلية كتبت بواسطة Noor Hassan
فعلا سبحانه ، هذولة الكفرة و اللي من غير الدين ، يعني ما يعرفون الاسلام ، و انتي مسلمة فكيف ما تؤمنين بعدالة الاسلام و المفروض انتي الاعرف بقوانينه ؟! حال المرأة اللي تقصديه هو نتيجة اقحام التقاليد القبيلة الجاهلية العربية القديمة في الاسلام او نتيجة فهم خاطئ لبعض قوانين الاسلام و سوء استخدامها من البعض لتسويغ افعالهم الخاطئة و مو اني اللي نايمة بالعسل يا عزيزتي الغالية ايوته و لا غيري و لكن اعتقد انتي غايب عنك اشياء هواية عن دينج و ما تعرفيها او تحبين تركزين على شي معين من اجل تثبتين انه الاسلام و حاشى الله ظلم المرأة بعدين هذا اللي د تسبحيه بسبحانه في بداية تعليقج هو نفسه اللي وضع قوانين الاسلام فلمن اتكولين الاسلام ما انصف المرأة معناه الله ما انصف المرأة اي انه ظالم و هذا حرام يا آية يا عزيزتي ، لذلك فكري بعمق قبل الكلام و شوفي اش دكولين و المن د تقصدين لانه ترا تعبت و اني كلساعة اوضحلج و التوضيح مو اللي و انما الج و لفائدتج و لا تكولين منو كلي اوضح لانه ما يصير نسكت و احنا نعرف الحق و الصح لانه الساكت عن الحق شيطان اخرس و ايضاً ما يصير ما ننصح و احنا عدنا المعرفة الكافية و القدرة انه ننصح ، هاي قوانين الله تبارك و تعالى و اني مد احجي من فراغ ، اقري قوانين الاسلام عن المرأة و الله تبارك و تعالى شيكول و الرسول عليه افضل الصلاة و السلام ايضاً فمو ذنب الله وبارك و تعالى انه كم واحد ما يطبق الاسلام لو اخرين يستخدمون الالسلام شماعة لاخطائهم فاللي د تكولي معناه انه انتي ما تعرفين شي عن هاي القوانين و مركزة على تصرفات البعض من الناس فقط ، يعني الناس تسوي و توكع براس الاسلام و هو بريء لانه الله مستحيل يخلي قانون يظلم بيه احد لانه غاية الله تبارك و تعالى من وضع شرائع معينة هي لحفظ الناس من الاذية و دفع الظلم عن الجميع و بعدين شنو اللي سواه الاسلام يا آية ؟ ترا حرام هالكلام يا عزيزتي لانه د تتكلمين عن الله تبارك و تعالى هنا و الله مستحيل و اكررها الج سواء اقتنعت ام لا ، مستحيل الله يخلي قانون من اجل يظلم احد او يعلي فئة على فئة دون وجه حق ، انتي تركزين على تطبيق الناس الغلط للاسلام و تذبيها براس الاسلام و الاسلام منها بريء و تذكري من تسبحين هنا فمن يستحق التسبيح لا يمكن ان يكون ظالم
و بعدين يا عزيزتي ايوته اني مو ما عندي شغل و اكعد افتر ورا تعليقاتج وين و اجي اعلق عليها !
احسني الظن عزيزتي بالاخرين لانه سوء الظن من الشيطان و ارجوج كوني انضج من هكذا كلام ، اصلاً فشلة الج تكولين هيج كلام ، هو موضوع و قريت تعليق و علقت ثم قريت تعليقج بالصدفة و لانه مستفز و خطأ فحبيت اوضحلج الخطأ فقط و لكن انتِ ما اعرف منين جايبة هالتصور الغريب العجيب ، الله يهديج حبييتي الغالية و بعد كل هالحجي على الاسلام تريدين نتصور انه انتي مد تحجين عليه و مجرد راي
فقط تذكري انه مثل ما اكو حديث ناقصات عقل و دين اكو هاذي الاحاديث
(أيها الناس، اتقوا الله في النساء، اتقوا الله في النساء، اوصيكم بالنساء خيرا)
هذا قبل وفاة الرسول عليه افضل الصلاة و السلام و من ضمن اخر وصاياه و كان مريض و ما يكدر حتى يكوف عليه افضل الصلاة و السلام و لكن تحامل على نفسه و مرضه و خطب بالناس و شوفي كم مرة مكرر الكلام للتاكيد و لانه يعرف طبيعة الناس فاكد اكثر من مرة
و هذا الحديث
( قال رسول الله ﷺ : "إنما النساء شقائق الرجال، ما أكرمهن إلا كريم، وما أهانهن إلا لئيم".
و هذا الحديث ايضاً
(رويدك انجشة ، رفقاً بالقوارير )
انجشة كان حادي ركب النساء في حجة الوداع و اسرع بالابل فالرسول د يكوله على كيفك رفقاً بالقوارير
صدق رسول الله صلوات الله عليه واله و صحبه اجمعين و سلم
وين الظلم اللي تتكلمين عنه هنا لو سمحتي مشكورة ؟
اسراع ابل شوية ما يتحمل عليهن و انتي تكوللي ظلم ؟!
اقري سيرة الرسول ﷺ و كيف كان يعامل زوجاته و النساء بشكل عام من اجل يصحح للناس افكارهم و طرق معاملتهم الخطأ للنساء و جاية انتي بعد كل هذا تكولين الاسلام ظلم المرأة ؟!!!
الظلم هو التجني على الغير دون معرفة هذا الغير ، و انتي هنا يا ايوته ظلمتي نفسج قبل دينج مع الاسف
الايمان ما يجي من فراغ ايوته ، الايمان مبني على دلائل واقعية لكن البعض يركز على شيء معين من اجل يهاجم الاسلام مع انه ما قاري نص قوانين الاسلام و يبين انه الاسلام ظالم و حرية المرأة وووو الخ من هالشعارات الباهتة الباطلة ، و ما اريد اذكر امثلة على حرية المرأة اللي يطالب بيها غير المسلمين لانها ببساطة تعني ان تكون المرأة غرض مباح للجميع
امتناني العميق الج عزيزتي الورداية ايوته
و اسفين اخ مرتضى تعبتني من كثر التوضيح الها بس واجبنا كمسلمين و هي ورداية تستاهل كل خير و الله يوفقها هي و الكل و تقبل مروري اخي الكريم مرتضى
