(اشهد ان الليل قاتلآ)
يا قاتــلآ يشلع ونين من الگلب
يزرعلــي حسره بكل درب
مليت بس عود انتضر
وگفت ميل الساعه
(اشهد ان الليل قاتلآ)
يا قاتــلآ يشلع ونين من الگلب
يزرعلــي حسره بكل درب
مليت بس عود انتضر
وگفت ميل الساعه
آنه ذابل بالربيع
وصوفر بخد خدي ياس
آنه واحد
باع روحه واشتراله شويه ناس
سـرك لاتـودعه الـبير مـايخفي
الـدلو لو مـر عليـة يـطلع شدافن
اشتري وبيع بحياتك اخسر ولـتخاف
الـمهم سـوي التريده جازف وراهن
بعدني انشغ على عيونك
وبعدني اشهگ على عيونك
يذاك انت اليغنونك
عطشتك من گبل لا اضوك
يالطعمك مثل لونك
سهرنالك دهر
ماجيت
ورزّه وباب واشبابيچ
خَضرنْ من مدامعنه
يَـ ريت العمر بس ويّاك
بلياها الأوادم كلها والجنّه
دمعي ينزل.
.وخدي بايت مال امس
والوجه بيه صفنة مال الاطرش بزفة عرس
مر عليه وشوف بله شباقي بيه
روحي صنطه
وبالاصابع كمت أعد شباقي
جم جرة نفس
لوتجين چا لگيتيني
ملح بي حوبه امي
وچا لگيتيني خضار
شويه تاني
مروره العاشگ نهار
بارده عيوني عليچ
وگلبي حار
منين اجيب الحيل والحگ
وانتي تمشين بجدم مطلوب ثار
حته ليشوف الموادع
كون من يوصل محطه
يغمض عيونه القطار
بعنادها
راسم ضحكتي ع الگمر
وللنجم منطي مرادها
وشفادها
ضلت مثل حظ الشمس
تنطي الضوة
بس ماكو واحد رادها
الساعة مچتفة من رحلت لليوم
مرات انسة انطرك واگعد انطرهة
مثل ليعبر اعمة بدرب ينبض ناس
ادافع وامشي هيجي اللحظة اعبرهة