زنجر قفل روحي ..
وحاير ابناري
ومن كَـــلبي اعله كـَلبي
انكـَـطعت اخباري
ذِكـَرْتك...
ياعشر تيام تفاحات
عشره ابكل حياتي
وصارن اسراري
جم ليله اعله ليله
ايعز علـّيه النوم
بس حلمك توالي الليل خطـّاري
وتِحْمَر بالعتب وجنات خطـّاري
يارفـّة نبض ..
هنيال من حّباك
وندَ كـَلك نذر ..
للصوت..
للطاري..
لعيونك..
عيونك حيـِرتي ابدنياي
جلـّت من حَـوَرهـِن
قدرة الباري..
وتكـَلـّي:- اتغيرت!
شو مورسومك ذيج؟
تحجيها ابعفه!
ومن ضيمك غياري
تمنـّيتك تجيني..
وتنجوي ابناري
وكـَـبالي واكـَعدك ..
عاشكَ ومعشوكَ
واحجيلك ابحالي اشصار وشجاري
واحبك من صدكَ
من حب اهلنه الراح
مو حُبْ هالوَكِت
والشوكَ طيـٌــاري
الفيديو للتوثيق
رد مع اقتباس
كلش نايس تشكرات اخي.
المشاركة الأصلية كتبت بواسطة £شمعہ ذیے قآڑ£
