لولي على مسعدك ﺒﮔول الذي ايريحه
وشرِّع ارموﺸﮔ هله للمعتني ابجرحه
لولي ﻠﮔطع النفس لولي لمن يصحه
اجرحني .. يمن عتبة الك .. جرح المُحب فرحة
الليل.. موش يحصد ليله يحصد صبحه
والحصو ..موش ايحصِّد روحه ايحصِّد جدحه
والبحر موش ايحصِّد روجه ايحصِّد ملحه
الليل طال..
وبخت عنده اليروي عينه بشمس باجر
الليل بين العين لابين الجفن
أنثر ﮔزاز ودار داير
الليل حاوَدْ وردتي..
وحشّم عليه الدود من كل اﻠﻤﮔابر
وصوتينه...
وصوتينه الصوت مايجزي الشفايف
يادفو البين البرد والحر ..نريدك وين صاير
يلفراتي.
ولاسمعنه ابوجه روجك
يوﮔف احجار اﻠﮔناطر
اضحكلي بشفاف اﻠﮔﻤر..
اضحكلك ابسن منجلي
ولاغيمة تحبس ضحكتك
ولاخاين أبتل منجلي
شديته بالشريان ..شد ويه العظم
صار العظم هو منجلي
والمنجل ابجسمي عظم
واﻠﮔلب فد دﮔة يدﮔ
نوبة الك .. ونوبة الي
رد مع اقتباس
المشاركة الأصلية كتبت بواسطة zeto
