هنا

[تّـفـاَصيلـٓ]

انه بروحي عشگ
من ينجفي عالكاع
ذرات التراب تصير وردية

انا مختلفه ..
ليس غرورا ولكنه احساس كبيربالتميز ..

احس انني متميزه حتى في حبي ..
لست كالبقيه ..

لاتستهينو كلماتي
(بوح انيق ) اكيد
هنا سوف اقضي اكثر وقتي
استودعكم في صفحاتي

مدونتي الاولى
https://www.dorar-aliraq.net/showthread.php?t=426972

ومدونتي الثانيه
https://www.dorar-aliraq.net/showthread.php?t=665062

[زمرد الشمري]

يسلام ع التواضع
افتتاح موفق
ان شالء الله من المتابعين

[تّـفـاَصيلـٓ]

ابتداء بقصيده تستهويني جدا
لي روعتها

منين اجيچ وترسو عيوني اعتراض
ابابكم گلبي وگف بس انه ادگ

تاكل بوجهي الشمس وامچ تكول
هذه مايستاهلچ شابع حرگ

وانه من كدما طحت يم رجل ابوچ
الناس صاحت هذه عايش عالسحگ

مشتري الحلقه وغده ماعندي اجيب
وثوبي مثلي وداعتچ شابع فتگ

من كثرما شامر الحسره عليچ
حلگي ماعنده وكت بيه ينطبگ

ذبلن اشفافي وضحك مابيه اشيل
وصدري يتمدد تعب من ينشبگ

الفرگه ترستني بچي وانه ادري بيچ
انتي بس بشعرچ مسويه فرگ

چنت ابوس اخيالچ بظلي من افوت
وچنه نحچي بدون مانفتح حلگ

كلشي التكولينه اكلچ اي صحيح
عمري ماگتلچ چذب لا مو صدگ

وانه غرگان وصحتلچ ياهواي
ونسمه مافزعتلي عفتيني اختنگ


للشاعر حيدر العماري

[تّـفـاَصيلـٓ]

يسلام ع التواضع
افتتاح موفق
ان شالء الله من المتابعين

هههههه في قمة التواضع بلا شك
انرتي ورده

[تّـفـاَصيلـٓ]

حنـَيت ..واترجـى بدليلـُي وعيـْني ،
بلچـَن عـّذاب فراكهـَم ،
بهـداي من يـآذيني !

[تّـفـاَصيلـٓ]

خليتنـي بديـرة غـرُبْ
ما ألـوم والـمدمع يـْكت ،
يالرسـمك بعيـني أنطـبعْ
راحـت عيونـي ومـآ رحت ..

[تّـفـاَصيلـٓ]

يبرد دمي گوه
ويشتعل منك
الـم أوراقي من تالي الخريف بروح
وتطشني ولاچـنك،

[تّـفـاَصيلـٓ]

ادردم مانفع بيهم يدر ماي
تعال وشوف دلالي يدر ماي
وگت العطش صرتلهم يدر ماي
ارتووا وحلوگهم تحچي عليه

[تّـفـاَصيلـٓ]

فريضة وصار المسودن ينط راي
و يدرس حامل بظهرة ينط راي
الف يا حيف ناطرهم ينطراي
الجنت حاسبهم يعلمون بية

[تّـفـاَصيلـٓ]

حزن فركاك خلفته......ولدتاه
حزن يعكوب من يفكد...ولد تاه
حامل وأطلك شأولد......ولدت آآآه
وهاي الآآآآآآه بت بعدك عليه.....