رؤعاتك
رؤعاتك
أنه بلياچ
ليل فراگ لا رية گمر تلهث على الشباچ
ولا مطرب الحي يغني ونسمعه
وارخص وانشري ومدري بيارصيف انباع
تصير شذرات العمر سلعه
شحجيلك بعد ما ضل حجي الينكال
اظن خير الكلام وياك مـــا قـــله..
لان شما اسولف انــــت بي تلوم
وعلى ابسط حجاية ادور الزله..
بعد مابية واهس للمواعيد
ولاعندي خلگ لسوالف الملگة
الي نيتة يسافر مودع بنسيان
الشجرة اتضل قوية بطيحة الورگة
تمرضنه سوه
والمرض اسمه عشگ
ليش انته خايب طبت ..!
والمرض بيه بقه..؟
أصحى .. براسي انطعن
أسكر .. رمح بالگلب
وبين الصحو والسكر
رمحين صفّن طبِگ ..
تجاعيد الوجه بچفوفي تنشاف
التعب خط فوك چفي سالفة شيب
شوف شيگلي الحميتة
ولجله ماخذني النزف
حس دمك لا تدمر اهدومي
يالسجاجينك فلح لا تگصي بيه
جروحي صبخه وما تفك ياخه الفلح
هي هاي الما حسبت حسابها
تگودني الصدفة واطيح بابها
والله ماچنت اعرف هنا بيتها
لكن من بعيد واشتميتها