مساء الخير احبتي
عودتنا اليوم مع ضيف يعرفه الجميع ، صاحب اراء جدلية بعض الشيء
و لكن اجمل ما فيه انهُ يحب طرح اراءهُ مهما كلف الامر
احياناً تجدهُ صدامي و احيان اخرى حمل وديع
دعونا نتعرف عليه عن قرب ، لنعرف اكثر منْ هو صاحب هذه الشخصية الجميلة
لنرحب بـ ضيف اليوم
فقار الكرخي
صديقي العزيز فقار اهلاً بكَ
المايك لكَ .....
التعديل الأخير تم بواسطة انسان ثاني ; 29/December/2019 الساعة 3:25 pm
الجميل راميالمشاركة الأصلية كتبت بواسطة انسان ثاني
شكرا لك من القلب
على هذه الأستضافة اللطيفة
ممتن منك
شكرا انسان ثاني لاستضافة فقار
بس تره ابد ماشفته حمل وديع خصوصا هل الفترة
منووور فقار
وبالانتظار
السلام عليكم
في الحقيقة اجد نفسي صغيرا بين الذين سبقوني في حمل المايك
لهذا انتابني الكبرياء وانا اقف بين الكبار
واتمنى ان لا تؤاخذوني فيما اقول
وقد لا اكون متسلسلا في سرد الأمور
حتى وان بدأت بطفولتي ربما اعود لها في وقت سابق
ولدت في مستشفى اليرموك
سكني شارع حيفا . العطيفية
من اشطر طلاب مدرسة الجعيفر
حيث تم عبوري من الصف الرابع ابتدائي
الى الصف السادس مباشرة
ومن الصف الأول متوسط الى الثالث .
كانت ايام حصار وجوع يمر بها الشعب العراقي
الا انني لم اشعر بها بتاتا لحالة والدي رحمه الله المادية الجيدة
عشت طفولة صحيحة
لا اتمنى شيء الا وكان يأتي بسرعة
لي 3 اخوة
احدهم يكبرني
جميعنا موظفين
اخوتي ثلاثتهم متزوجين
ولولا لطف الله لكان الرابع يشاركهم المعاناة
حيث انار الله بصيرتي بعد ان كان التحضير على قدم وساق
من بيت وامور اخرى تم تحضيرها
وكنت بأنتظار بعض الأمور الاقناعية
الا انها فشلت والحمدلله
والأن ازحت تلك الفكرة السيئة من مجمل مخططاتي المستقبلية حتى اعيش بسلام
بعيدا عن ما يفسد ايامي الجميلة
لقد اتعبت والدتي كثيرا بهذا الأمر
لم يبقى اماما الا وابتغت له النذر
ليتها تعلم ان حياتي هكذا اجمل
طعام البيت
من الشيء المستحيل ان اتناول طعام المنزل
حتى وان وصل بي الحال 7 ايام لم أأكل شيئ
جميع وجباتي خارج البيت
الضيوف
لا اطيق الضيف نهائيا
وخاصتا الذين يأتون ومعهم الأطفال
او من المحافظات
وتكعد تبتلي بيهم
الله بالخير والله بالخير
وشلونكم وشو متمرون
وجيب هاي و ودي ذيج وعيب منهم
ومتكدر تعوفهم وتطلع
لأن ماكو احد بالبيت بس اني وامي
وتعال ابقى مكابلهم وكاعد
شهالدوخة
واكيد اليجي من المحافظات لازم يبات
ويكعد فقار يقدملهم مي
ويفرشلهم
ويطلعلهم ملابس
والزقنبوت
والله مرات احس نفسي جنة
التعديل الأخير تم بواسطة فقار الكرخي ; 28/December/2019 الساعة 7:18 pm
قبل ما اسجل بدرر العراق
جنت مسجل بهواي منتديات
حتى جنت نائب ببعض المنتديات
فيوم من الايام كتبت قصيدة ونشرتها و ورة ساعة سويتلها بحث بكوكل
جان الكاها منشورة بدرر العراق
طبيت سجلت وحاجيت الناشرها .
ماقصر تم تعديل الموضوع وفضت
وضليت اتردد عالدرر 4ايام الى ان قررت اتفاعل واصير من اهل الدار
اني من النوع الماتحمل حجاية
رغم اعرف نفسي غلطان
من النادر اتحمل مرة مرتين بالثالثة انفجر
بس اتقشمر بسرعة محد يتوقعها
حيل استعجل في بعض الامور
جان حسابي الأدخل بي للدرر
مو وحدي ادخل بي .
جانو اصدقائي يدخلون بي
يعني احنه 5 ندخل بهذا الحساب
اني اخر وحد ادخل بالحساب
والكة كومة مشاكل وبلاوي مسوين
وصلت مرحلة الدرر حله بعيني
زين اصدقائي ماكدر امنعهم من الدخول بحسابي ؟
صار عندي خيارين لو اخسر حسابي بالدرر لو اخسر اصدقائي الي بالدوام ويايه
حاولت اقناعهم سوولكم حسابات وادخلو بيها . لا احنه انعرفنه بهذا الحساب
بحيث من اجي افتح حسابي بس اقدم اعتذارات وتبريرات للأدارة
وماكدر اكللهم الحساب يدخلون بي عدة اشخاص خاف يحضروني .
الى ان بمرور الوقت وبطلعان الروح حليت هاي المشكلة الي ماتوقعت فديوم تنحل .
رغم اكو هواي امور تحملتها وحدي
لأني كنت السبب ولحد هذا اليوم محد يعرف حقيقتها
واني ما احب ابرر
واعرف اي شي يطلع من عضوية اسمها فقار الكرخي لا تمثل غيري .
لهذا قبلت اكون ضحية في سبيل ابقاء بعض الصداقات قائمة
والتي تبين في مابعد انها كاذبة
والتي تسببت بالألم للكثير ومن بينهم انا
والحمدلله بمرور الوقت استطعت ارجاع صورتي الحقيقية .
خلي احجيلكم هذا الموقف
بزمن صدام العالم جانت تنام بالسطح بليل
واني احب انام هواي يوم الجمعه تعرفون عطله وماكو شي
وكلما توصلني الشمس اتدنه عالفي
الى ان وصلت بصف الحايط
وجان عدنه تانكي مال ماي فوك البيتونه متروس وفايض
ونازل الماي ومنكع الفراش مالتي واني نايم ما ادري
ومن كعدت من النوم وجان اشوف فراشي منكع ومليان ماي
استحيت عبالي سويتها
ما انتبهت عالتانكي وكلت لايروح واحد يصعد ويشوف الفراش ويكول هذا مسويها على نفسة
شكد عيب وجان اشيل فراشي واشمره عالجوارين
وجان انزل وكلي ثقه ولا كأنه اكو شي
وجان امي تكلي ولك التانكي فاض ونكع فراشك وما كعدناك كلنه خطيه
خلي نايم ومن وراك تنكع الفراش ؟
جان اكللهه روحي عالجورين بيت ابو محمد جيبي الفراش مالتي
الرياضة
اكثر شي احبة بهاي الدنية هي كرة القدم
عشق لا ينتهي
جنة نلعب طوبة بساحة قريبة على البيت
يومية نلتم ونروح للساحة
نلعب وارجع للبيت اعرج
جانت امنيتي اسجل بنادي الزوراء
جي بصفنة النادي
ولو احنة عائلة جوية صرف
كل عمامي واهلي نشجع القوة الجوية
ضليت الح على عمي سجلني بالنادي ميقبل يكلي اله اشوف لعبك شلون تلعب .
يوم من الايام اجة يلعب ويانه
شافني كلي باجر اخذك للجوية
اخذني على مدرب الفئات العمرية هو صديقه
وكلة هذا ابن اخوية اختبرة اذا يفيدك او لا
جانو مكملين تمرين ويريدون يسوون لعبة بيناتهم وكلي تعال انزل
زين هم نادي وتمارينهم صحيحة وين اقاوم وياهم .
والله نزلت وبيضت وجه
قبلوني وكمت يومية اجي للنادي وية عمي
ماكدر اجي وحدي اخاف اضيع
ضليت سنة بالاشبال وانتقلت النادي الكرخ صعدوني ناشئين
ضليت 9 اشهر وبطلت
واخيرا اختبرت بنادي الزوراء وقبلوني
صعدت شباب ولعبت دوري
وشاءت الضروف تبعدني عن كرة القدم
الحد قبل فترة . وين متعلب القوة الجوية اروح اتفرج واشجع
دوليا
برشلونة
وميسي الذي لايرحم
بحيث متابع ومرهف بحب الكتلان
الى ابعد الحدود
يوم اليخسرون برشلونة اقفل موبايلي بسبب سخرية الرياليين
في يوم من الايام
امي اخذتني وياها لزيارة كربلاء
انا بوكتها طفل يعني 13 سنة تقريبا
وهناك بنص الصحن جان تكب العيطة
ضهر الامام والعالم تتراكظ ؟
اخذتني امي سحل وركظ حتى نشوف الأمام
المهم وصلنة للمكان الي على اساس طالع بي والعالم كلها صلوات ماصلوات .
يمه وينه الامام . تكلي هذا كدام شوفة .
اني مجاي اشوف شي ؟
ضليت احاول وفسحو الي مجال ومشفت شي .
واذا فجأة لكيت نفسي اصيح هذا الأمام ؟
يسألوني وينة اكلهم شبيكم متشوفون هذا كدامكم .
خلصت الهوسة ورجعنه للبيت وكعدت افكر بيني وبين نفسي .
اكول اني مشفت شي . ليش ضليت اصيح هذا الامام ؟
المهم ضلت الشكوك تراودني الى ان كبرت
وضليت ابحوش واتحرى واقرى كتب مال علي الوردي وكتب اخرى
وبأعتباري اجهل الحقيقة ضليت ياهو الالزمة اسئلة
فديوم شايف معجزة صارت
يكلي اي
شنو
فلان صار هيج بسبب هيج .
شفت بعينك ؟
يكول لا سمعت
والحد هذا اليوم مالكيت احد شايف معجزة بعينه مجرد يحجولة
هذا الشي خلاني اتعمق اكثر والحقيقة انصدمت بأشياء مخيفة
ضليت عايش بأوهام وقررت اروح الى اهل العلم .
واحد يكلي يرادلك انطيك دروس .
واحد يكلي انت كافر
واحد صاح جماعتة رادو يكتلوني
ولكم يمعودين اني في ضلالة واريد اتفقه بديني ميفيد
اخير شي اكو يمنة شيخ من ذولة جماعة الحوزة
بيني وبينة سلام مو اكثر
فقررت استنجد بي كتلة شيخنا اكو امور انا دايخ بيها
واريدك ترشدني للطريق الصواب بالأدلة
مو كل حجاية وكتلي ها مو يكول الشاعر كذا وكذا ؟
اكو فد مسألة واريدك تشرحلي
وطرحت عليه استفساري
ضل يجيبها منا ويردها منا واكلة كذا ويكول كذا
اخير شي كلي حبيبي اكو امور ترة بس تتعمق بيها لو تتخبل لو تكفر
فأنصحك اترك هذا الشي
وعيش حالك حال ابوك وجدك .
ضليت اتردد عليه يومية بموضوع
ورة فترة واذا بالشيخ كلي تدري تعلمت منك شغلات اكثر من الحوزة ؟
يابة ليش
يكول هاي المواضيع طرحتها على الجماعه الادرس يمهم
وبأعتباري اعرف بأمور الاحاديث والايات يعني اكدر اجادل
يكول مالكو الهن حل وكامو ينظرولي بنظرة الشك
والشي الميعرفولة يكولون هاي حكمة ربك ؟
لو اله بيها ارادة لو الله اعلم
لا مو شغلة بخيل
بس امي مريضة يعني مو مال تكعد تطبخ وتنفخ وتفرش وتعدل
هي حايرة بروحها وتنام من وكت
ويجيك الافندي يتمدد وجهالة يلعبون طوبة بالبيت وكلساع كاسريلهم حاجة وصياحهم واصل الباب الشرجي
زين يبات فد يومين او 3
وعلى هاي المزيقة
زين واحد وين يرتاح ؟اذا ابيتي ما ارتاح لعد وين ارتاح .
واكعد بليل اغسل مواعين صدك جذب خما اخلي امي مريضة تغسلهن
لا واليكتلك يكلي مناكل الاكل اله خضورات
ويكعد فقار الكرخي ينضف كرفس
واذا وياهم ولد لازم اغيب من الدوام
وال 150 الف الزينة اطير من الراتب
ام التقييم خلي احجيلج هاي المزحة
اجة خالي وكلي اريدك تاخذني المول المنصور
تدلل خالو باجر تأمرني .
وجان يكعدني ساعه 5
ولك ها شبيك
كوم خل نطلع نروح للمول
بله هذا اذا اطيرلة بدفرة بمعدتة منو يكلي ليش
المهم صار العصر وكتلة يالا امشي
دخلنة المول
وياهو اليشوفة يسلم عليه
يمعود دخيل ربك
كلت ماكو غيرها اتيها هنا وارجع للبيت
بنص الهوسة تيهتة وفلتت للبيت
دخلت للبيت والكاه كدامي
هي مو مثل ما تفضلتي شغلة بخل
بس ماعدنة احد يهتم باليجي
وتوكع براسي
وخاصتا هسة الواحد نفسة مامتحملها مو يجيك جيش
لهذا عازمج على غدة
بس انتي التغسلين المواعين
خل احجيلكم شوية سياسة
ولو اكره هاي الفقرة
في بداية المظاهرات يومية اطلع اتظاهر وياهم
بس تظاهر سلمي يعني شايل علم وامور تثقيفية .
بمرور الايام كامت تصير مناوشات بين المتظاهرين والقوات الامنية
فرحت يم موقع المواجهات ولكيت هواي ناس ملثمة ؟
سألت احد الملثمين ليش متلثم
كال الغاز مال الدخانية يخنك
كتلة وين اكو هسة كلشي ماكو
المهم كامت تكثر الاشخاص الملثمة ورغم الشغلات الشفتها بعيني ضليت مناوب على المظاهرات
الى ان صارت بدون ملح . وقتلو الشهيد احمد المهنا من يومها قررت بعد ما اروح
لأن ما احب اشارك القتلة حتى ولو من بعيد
وعرفت ان المظاهرات تم سرقتها من جماعة مقتدى
لأن صورة ئلسيد تارسة المظاهرات
سألت واحد كتله مقتدى مو عندة حزب ومشارك بالحكومة ؟
شعجب رافعين صورتة
واله شوية ويسوي نبي من انبياء الله
طلعت السالفة مو نريد وطن
الصدر رافع شعار باطني نريد حكم
وهالتشوفون جماعتة شنو ديسوون بالمحافظات وببغداد
اني ما احب مقتدى ولا جماعتة ولا الاحزاب
بس اشوف اسوء الاحزاب احسن من مقتدى وجماعتة
بسبب تقلبه يومية بمزاج وماعدهم لغة الحوار اي حجاية وكام يغلط ويهدد ويقتل .
وملاحظة من اول حكومة قادت العراق هو معاديها لحد هذا اليوم
من اياد علاوي والمالكي والعبادي وعبد المهدي
محد يعرف شيريد .
وقبل فترة واحد مسوي نفس حسابي بالفيس وداخل يغلط عالناس وعلى جماعة ئلسيد .
واجوني دكو الباب . ليش تغلط عالسيد .
واني منا شلون احبهم . كتلة هذا واحد مسوي نفس حسابي مو اني فماعندي حجي احجي وياكم وبعد لحد يجي يدك الباب .
الحجي ماصرفلهم . لا انت
يمعود روح
اليوم شوف شنسوي واليوم نحرك ونطفي .
طلعت بندقية وكتلة انعل ا...م وجريت ئلسيد وياهم بالفشار وجيب ذاك ودي هذا .
يابة طلعت مو انت صحيح الحساب مال واحد مغرض .
بس انت سبيتة كدام عيونة ومسامعنه
وراح نتساهل وياك . تجيب عمامك وتحول على مكتب الصدر بالنجف .
هاي شلون تفض ياربي اعصاب ماعندي لا اروح اقتلي واحد منهم وابتلي .
كتله اخر شي اسوي بحياتي هي هاي السالفة روحو منا ماعندي عمام اني مكطم .
راحو اجوني ثاني يوم
عمي تعال احنه نريد انفضها وياك
تروح للنجف وتصور مقطع فيديو من مرقد ابو مقتدى وتطلب المغفرة والاعتذار عسى ان يغفرلك الصدر .
لك هاي شلون سالفة ياربي لكم بابة روحو وشتريدون تسوون سوو
بسيطة واحنه نعلمك
المهم مرت 3ايام واجوني ولد 2 اعرفهم
يابة سديناها السالفة الك
ادري بيها جذب مجرد يريدون يحفضون ماي وجوهم .
لهذا قررت اروح اقرة الرسائل العملية وكتب محمد صادق الصدر
ردت اشوف هذولة من ياملة وشنو يتبعون .
وبعدين عذرتهم
رد مع اقتباس
