هنا

[M N S Y]

طيب رح نستمر للساعه 12 و بخلي
مجال للأسئلة وبنجاوب ونخلص من التحقيق
وتتسكر هالنسخه و بنفتتح النسخة الجديدة

[M N S Y]

أعتقد انو اللي بعدي لازم يكون اول ضيف بالنسخه الجديده
لإن هالنسخه أقصى حد إلها 200 صفحة

[M N S Y]

على الصعيد الرياضي أنا مختلف عنهم
يعني العالم منقسم قسمين قسم مع الريال وقسم مع برشلونه
قسم مع البرازيل او الارجنتين وقسم مع ألمانيا
هيك الموضه الدارجه

بس أنا مابشجع لا ريال ولا برشلونه
فريقي المفضل هو فالنسيا بإسبانيا
ولو هبط للدرجة الثانيه بضل لاحقو مافي مشكله.
واليوفي ( جوفنتوس ) بإيطاليا

ومنتخبي المفضل هو ايطاليا
مع اعجابي الشديد بمنتخب كرواتيا

بدوري الأبطال انا مع أي فريق ايطالي بياخد الكاس

[M N S Y]

بالمناسبة… معليش الاعلانات هون ؟
معليش اوكي شكراً

فالنسيا و ريال مدريد
الأحد الساعة 10 بتوقيتنا
على ملعب الميستايا بفالنسيا

راحت عليه اللي مابيتابعا

[M N S Y]

سألني كذا واحد يعني ليش فالنسيا فريقك المفضل بالتحديد .. شو هالحب ياصاحبي ؟

طيب ليش أنغام عمرها 55 اخدت شب عمرو يا دوب 30
هو الحب يا صاحبي

[M N S Y]

اوروبا نهضت لما التغى بفكر كل أوروبي من الأوروبيين مبدأ
" مافي داعي أنا فكّر .. رجل الدين بيفكّر عنّي "
نحنا بس نلغي هالمبدأ بنفكر ننهض بس انو ننهض فوراً مابعتقد
لإن كل واحد فينا عم يسابق الايام لتأمين مستقبلو ولقمة عيشو وشيء من رفاهيتو . بس أن تفكر خير من ألا تفكر أبداً .

[M N S Y]

ليسوا بأفضل منا فلدينا ما لديهم من عقل
لكن ظروفنا لا تقارن بظروفهم
هم تتوفر لديهم الأجواء المحرضة على
الإبداع بعكسنا فنحن نلهث وراء ما يبقينا على قيد الحياة .
لكن ثقافتهم في النسل تعجبني .
نحن لا تنظيم لدينا في النسل
كل شيء في مجتمعاتنا عشوائي غير منظم

ألهانا التكاثر

[M N S Y]

عندي كلب ابيض هون ( انتو بتقولولو جلب )
بيعزني معزّة كبيره
الله لا يوفقو مفكرني ابوه هههه
لدرجة انو وينما بروح بيمشي معي
ولو امشي ٣ كيلومتر تحت المطر بيمشي معي
وينطرني برا وبيتشلقح عالأرض لحتى خلص من سهرتي
وبيرجع معي .
محترم هالكلب و اوفى من كتير ناس بالي
تعرفت عليه بالصدفه

[M N S Y]

من يومين رحت لقطع حطب من شجر ميت طبعا
انا بخاف ربي ومابقتل شجر عايش .
راح معي هالكلب كالعاده
و حاول يساعدني قلتلو ياحبيبي انا بجمع الحطبات لحالي ارتاح انته
اتفرج عليي و حسيتو فهم كلامي
راح عالساتر وصار يراقب لبينما انتهي من تقطيع وتجميع الحطب .. ولما خلصت وشلت ما يقدر ب ٥٠ كيلو حطب بالفاس راح لقدامي وصار يبعد الحجار بدربي مشان امشي بدونما اتعثر .
وضل ماشي قدامي مسافة ٥٠٠ متر يراقب ويتلفت يمين وشمال بلكي حدا حاول يغتالني

لك آخ ياريت يتعلمو منو الوفا والانسانية
والثقافة

[M N S Y]

اول مره بروح فيها لتقطيع الحطب
لإن خلص طون الحطب اللي كان عنا
وكانو نايمين و آخر حطبه كانت تلفظ انفاسها
الأخيرة الصبح
وما نطرت حدا ليفيق من النوم .