غشيم اتوسديتك شوف
على غايه وشفت كل الناس بس يكصي الخريف وياك كله تعوف
السعف يرجف برد موخوف
وثاري الذيب من يخله متاعه يحوف
مصالح والتراجي هدوم ماتسوه ابلايه زلوف
شحت واليوافي انباع
مهو اليهوه السفينه ايخلص عمره شراع
العاشك والي يطلب ثار صفت عدهم (المته) متاع
لتسولف زرع من كون ماضاكت اجدامك كاع
اتعب تلكه شو ماكو تعبنه هواي
وشتلنه ولا غصن وافه وترسنه فياي
ويكلبي اندل!!!غريب ايموت كلمن تلكه ربعه هواي
.
الشاعر_محمد_الجراح
•
رد مع اقتباس
المشاركة الأصلية كتبت بواسطة sawsanmahmoud
