والمشيعين الشماته!!_الشاعر حسين الساعدي
رجاءا لا تعلق قبل لا تقرء القصيده كلها!
،،،،
ياجنازه
انشالت ابوكت العصر
والشمس رادت تودع ويه لحظات العمر!
والمشيعين
الشماته
والفرح جان اشكثر!
لا دموع
إولا حبايب
والعذر ضاع العذر!
همه مو حُب النكلهم
لكن الكلمه التسر!
رادو التاكيد لمن
بالكبر يبدي الحفر!
جانت الضحكه اشكبرها
توصل اليوم الحشر!
أأخ والهوسه القويه
الكعدت سابع كبر!
صاح دفان المكابر
يابشر شنهو الخبر!
انه ما شايف الميت
ينطعن طعنة غدر!!
كالو ابصوت التباهي
اليوم وفينه النذر
هذا ما كدامه صرنه
وشوف طعنات الظهر!
ما وكع يمشي ابرهاته
وماخطا وما يعتذر!
مايطخ راسه ابحياته
وعايش ابزود وفخر!
صاحو الدعوه القويه
وسدوا أذان الفجر!
ما تشملك رحمة الله
وتنحشر ويه الشمر!
كعدوا الميتين كلهم
دكوا اجراس الخطر!
صاروا ايسئلون بيه
والحجي الجاب القهر!
ليش ما واحد بجالك؟
ليش غثوك اشكثر!
ليش عافوك التحبهم
ليش ما جنك بشر!
_
والجواب
الميت ابخنة عبرتي
يافشلتي
وبالكبر طاحت دمعتي
ناموا الميتين هسه
وانه ليهسه ابصفنتي
يافشلتي!
حسين االساعدي
رد مع اقتباس
المشاركة الأصلية كتبت بواسطة مزاجية وكذا
