سچينته بنحري وگلت لآ چذب ،
نحري آلضرب سچينته
وضل أثر
سچينته بنحري وگلت لآ چذب ،
نحري آلضرب سچينته
وضل أثر
و انه وراهه تغيرت ..
والنوم عن عيني ابعد
ومفتوح ظل باب الصلح...
بس باب حنيتي انسد
واعترفلك
اي نسيت هواي مني
ومانسيت حجاية منك
المَا يسوه العَتب ماسمعه
كلمة ليش
ما احطـله اهتمام ومنتهي أمره
ولا اگله شعجب شو مختلف وياي
ماغزر ملح شتغزر العشره
أروح لـ وين ؟
إله أشلع جذر گلبي بشراينه
وأجمع نار
وأحرگ كلشي مِن بالي ..
العنده مثلج
يحط لعيونه حنه
ويدخلك بروحه
ويطب
ويقفل الباب
اعله روحه
ويكتب اعله الباب
جنـــــــه
جمرة الواهس طفت
وين انه .. والملگه..؟
بطران بارد گلب ماجاستك حرگه
وك ياخصر..؟
ياحضن..؟
يادفو..
ياشبگه..!
هوه انه عود وذبل ..بالذابل شتلگه..؟
وانته بعيد
اكول ايجوز بردان
واغطي بصورتك كل عقلي ادفيك !!!
يگولون
باجر تمر
ضحكة فجر ع الليل
يگولون
باجر تمر
شوگ وقصيده وهيل
اعاتب روحي مدري اشلون ردتك
انا عاگولي اترف من وردتك