قصيدة عمار الكناني بعنوان مجنونك مكتوبه محرم 1438 /2017
اللهمَ صلِ على محمدَ وآل بيتَ محمدَ وعجلَ فرجَ مولآنآ الحجة المنتظرَ((عج)) .
اَلسَّلامُ عَلَيْكَ يا اَبا عَبْدِاللهِ، اَلسَّلامُ عَلَيْكَ يَا بْنَ رَسُولِ اللهِ
(السَّلامُ عَلَيكَ يا خِيَرَةِ اللهِ وابْنَ خَيرَتِهِ)
اَلسَّلامُ عَلَيْكَ يَا بْنَ اَميرِ الْمُؤْمِنينَ وَابْنَ سَيِّدِ الْوَصِيّينَ،
اَلسَّلامُ عَلَيْكَ يَا بْنَ فاطِمَةَ سَيِّدَةِ نِساءِ الْعالَمينَ،
اَلسَّلامُ عَلَيْكَ يا ثارَ اللهِ وَابْنَ ثارِهِ وَالْوِتْرَ الْمَوْتُورَ،
اَلسَّلامُ عَلَيْكَ وَعَلَى الاَْرْواحِ الَّتي حَلَّتْ بِفِنائِكَ عَلَيْكُمْ مِنّي جَميعاً سَلامُ اللهِ
اَبَداً ما بَقيتُ وَبَقِىَ اللَّيْلُ وَالنَّهارُ
مجنونك ،، آنه افتخــــــر سمّوني
مجنونك ،، وعقلي إكتمل بجنوني
مجنونك ،، وشلتك رســــم بعيوني
مجنونك
جننتني امحبتـك ،، الليله روحـي لگبـّـتـك ،، مشتاگه
گلبي عاشك نينوى ،، وامشي وي اهل الهوى ،، العَشّاگه
والدمــع شاهـد صدگ ،، مايمثّل بالعشگ ،، واشواگه
آنه مجنــون وعقل ،، عنـــدي ماخلّه الحبـل ،، والناگه
گر عيني ،، وخلّينـــي مولاي أسيرك
گر عيني ،، وإغنيني عن هوى غيرك
گر عيني ،، شلتك رسم بعيوني ،، مجنونك
ادموعي ليك اتشكرت ،، انته شمس النورت ،، ايامي
تكسي خدامك حرير ،، وانته عاري اعله الهجير ،، وضامي
راضع احزانك لبن ،، امن اصفن ايمر الضعن ،، گدامي
شلون يبقالي فكر ،، ابيقضتي نار الخدر ،، واحلامي
ما اعوفك ،، وعاشك حزن كربلائك
ماعوفك ،، وعرفني بالله عزائك
ماعوفك ،، وشلتك رسم بعيوني ،، مجنونك
نعمــة الله دمعتـي ،، ايدومــها الله نعمتــــي ،، ما دامك
ابموكب الخدمه انفني ،،خادم اوكف منحني ،، لخدامك
الحب شربته ابمرضعي ،، ايفزز اجروحي النعي ،، اعله ايتامك
امنين يبقالي وقـار ،، ومهجتي حرگتهه نار ،، إخيامك
بعيوني ،، سالب منامي منامك
بعيوني ،، ماخذني مني غرامك
بعيوني ،، شلتك رسم بعيوني ،، مجنونك
لاجلك انصاغ الفلك ،، وكل صفات الله إلك ،، وآلائه
التسعه والتسعين إسم ،، باسمك الاعظم تتم ،، اسمائه
مجلسك خيمه شرف ،، بيها دين الله انعرف ،، وانبائه
انته اول منتصر ،، ابلاغسل ضم الگبر ،، اشلائه
مااريده ،، عمري اللي مابيه طفوفك
مااريده ،، لو دينــي يجبرني اعوفك
مااريده وشلتك رسم بعيوني ،، مجنونك
الله حب ان ينعرف ،، وخلق وجهك من عطف ،، انواره
شمل كلشي ابرحمتك ،، وبيك يفطم شيعتك ،، من ناره
الله للحبك يحب ،، واليزورك ينحسب ،، خطاره
شلون تعطش وانته ماي ،، شلون يتعرى الفياي ،، استاره
بعضيدك ،، الماعندي غيره أجيلك
بعضيدك ،، ومن بابه اصيحن دخيلك
بعضيدك ،، شلتك رسم بعيوني ،، مجنونك
إلك وي ربك خطاب ،، ماكو فسحه ولاحجاب ،، ابينكم
اوياك يتبـادل غــرام ،، اشلون حب رب وإمام ،، ادخيلكم
ناده ربنه الانبيـاء ،، وين معشوگ السماء ،، واوينكم
هذا مهجة فاطمه ،، ماكو شيء ماقدمــــه ،، لمعبودكم
بدموعي ،، اسجدلك ابكل حياتي
بدموعي ،، امشيلك لحد مماتي
بدموعي ،، شلتك رسم بعيوني ،، مجنونك
✿✿✿✿✿
منقول
رد مع اقتباس
