الطفولة القاسية للشاب العراقي (للضحك)
#حفلات_الاعراس زمان جانت كلش غريبة !! ..
جان عمري 6 سنوات رحت وية امي العرس كل الأتذكره نسوان اتكمز و مشغلين كاسيت #يعلاية و اغنية #ديدي_وا و اغنية #بنت_الشيخ_للبطيخ_جبناهه و اغنية #خالة_وياخاله و بوقتها جانت مشهورة حركة هز الركَبة كلش بحيث الكل يحسدوهه هاي التعرف تهز ركبة خصوصا وية هالأغنية و من يكوَول مقطع #شيصبر_العاشكَـ_ياخالة هنا الهز يصير بفلس و كلهه تكَوم تردح الي ينهز خصرهه تهزه و الي تهز كرشها و جتافياتها الاسفنجيات و تحس اكو كهرباء نتلتهم نتل جماعي واكو قسم ميعرفن إركصن بس يفترن و يشمرن بديهن و يسون #حركة_السحلية تضل تتلوى و تحرك حلكها وية الاغنية و هي اصلا محافظتها و تحسها جاية عبر #فجوة_زمنية بحمرتها #البنفسجية و نفنوفها #الستن_الاخضر و ردانات طويلة #مكركرشة_باللون_الوردي و جواريب صفر مالها علاقة بالفستان. و طبعا هنا اني بين الرجلين دا اغوص بحثا عن الجكليت حالي حال بقية الجهال! وقتها الاطفال جانوا بالاعراس يتولون مهمة #حصاد_الجكليت و ما احجيلكم طعمه #مجعوص_وحار دايسيه برجليهم و بس تاكل الجكليته تموع بحلكك خطية تحسها ممصدكة لكت احد ياكلها صارلها سنين بالدكاكين محد يشتريها و هلكدما حلوة تسوي #صداع و تعصة بالسنون و تلزك الضروس ببعضها و من تبلعها كيلو دهن يبقى لازك بسنونك عبالك مطمسيها بسوب الدجاج و #غفلة تبدي #المأساة اثناء ما امد ايدي على جكليته و تجي وحدة سمينة حيل #تدوس_على_ايدي احس الله خلقها بس لأجل الدوسة هاية مالها اي دور بالحياة لا تشوفني من امشي ولا تسمعني من ابجي و من اوصل للموت و الاختناق من كثر البجي وتجي الهبلة تسأل امي بكل ثول : شبيه حبيبي صوفي ليش يبجي؟
.
.
ابجي لأن اكو #كرين ابو راسين داس على ايدي.
ابجي لأن #الديناصورات انعمت و كامت مشوف وين تحط رجلها
ابجي لأن #الهوريشيما شخصيا ضربتني. و فوك القهر امي تكوللها :
مابيه شي متنحس لان نعسان ويريد ينام ومن أبقى أبچي من شدة الألم أمي تكتلني وأنام والچكليته بحلگي ههههههههههه
منقول من قصص زفينا وخلصنا منا ....
رد مع اقتباس
المشاركة الأصلية كتبت بواسطة om alzoz
