جيبولي قميصه و شيلتي خذوها
واذا يسال عليه كلوله باعوهه
كلوله عطشت عيون بيهن باب
عتبته بابنا من رحت داسوها
ليليه شمس تنزف بدون صياح
وهيه الشمس مدري شلون لاحوها
بعدد آذانه دك بابنه ابن الناس
راد جلمه على الخير زفووها
طشيت بـ سلف فرهود بالتسعين
وعلي بس ذكرياتك ماتدنوها
ملت طينتي يوميه تشرب ماي
وشرخص هالكَاع لو يوميه سحكَوها
اكره ليلهم مابي ستر بس لون
مابيهم ابن ادم كَال غطوها
دورت الكَصص بلكت حجابي يطيح
الكَلك مو الك ماكال استروها
ماهزيت چتفي هازه الشباچ
هذني چفوفي بالعباس حلفوها
احب البير بس اكره شكو شلال
الطايح ينسحك ياناس افهموها
لبست الخارطة من شفت ماكو احجاب
الكَصيبه تعيش لو بالشيله دفنوها
چم صفنة معاتب شورت بالليل
اصفن والهلاهل چذب طشوها
جنت اسمع بطوعه وبابها المبخوت
ابخت طوعه الرسايل اله ودوها
الزلم تعركَـ شوارب لو يغثها الغيظ
وانه بحاجه شوارب روحوا فزعوها
اخاف مرايتي تعيرني وجهي انباكَـ
صورتهم كَبالي هواي عكسوها
وحكَـ مرورة الكَهوة اليحبها الضيف
كَهوة بيتنا باليسرة شالوها
و اليكتلك الصب الكَهوة لابس شيب
وشنو نفع الدلال وعگل باعوها
اول مرة احس بالموت فاعل خير
اليسترها الكبر ترتاح خلوها
اليسترها الگبر ترتاح خلوها
رد مع اقتباس
المشاركة الأصلية كتبت بواسطة جنة الروح
