هنا

[ارجع يازمان]

كبل
منحَجب الحديثات
عدنه اعيون متحجبات
كلمن لازم اعيونه!
هسه
ابمسرك النظرات
عدنه
اعيون متوكحات
لازم تلكه رازونه!

:::::

كبل عدنه
اليتامه اتنام
يمنه وهيه مامونه
هسه العتبت
الايتام
محد وده ماعونه!

جا ليش اليتم اليوم
جنكم ما تعرفونه!

نايم بالشوارع ليش!
والجوع الخطف لونه!

:::::

كبل عدنه
المحنه اهواي
والعالم يحسدونه!
تلكه الاخو
رايح جاي
حته ايقدم العونه
هسه
انخلقت الاسباب
ماواحد يدك الباب
خاطر يسئل اشلونه!
:::::
​كبل عدنه الجذب مو زين
كلش عيب
والوادم يرفضونه
هسه اليصدك اويه الناس
كل الناس
يمهم مايريدونه!

::::

كبل والجار
يحمي الجار
أبد مايغدر ابجاره

والغيره اعله ذيج الدار
اكثر مايحب داره

هسه
ابطفيت الأنوار
خاف ايطر الِستاره

ماندري الزمن غدار
ماندري احنه غداره!
حسين الساعدي
منقوول