درر العراق

ارجع يازمان · 5/March/2017

اضحك بالجذب واكبالي شمات
وقافل بالجفن دمعات العيون

اضاهر عدل وانه ابسلامات
ماجن العصر راحوا يدفنون!

عمري الضيعيته أكبر حرامات
طشرته اشكثر عالما يوافون!

كالوا تشتري الشبعوا مغمات!
صحت انه اشتري ابسعر التريدون

انطيت السعر فوكه التحيات
إوما ضلو بعد بيد اليغمون!!

شاريهم جنت بس ياحسافات
ابدكات النواقص من يخونون!

عدهم صار عوز وخانوا الذات
لجل المدري شنهي وشبع البطون!

حطوني ابمزاد ابهل مزادات
وين اليكره وكاموا يزيدون!

معروف الشراني وعنده ثارات
والبايعني يدري ويعرف اشلون!

يجرحني إويراويني ابتسامات!
ويصفك اهناك اويه اليصفكون!

صحبة هالوكت كلها ابحسابات!
وباأول سعر راحوا يبيعون!
ابأول سعر كلهم يبيعون!
حسين االساعدي