سلمولي ع الخان الوعد
گلوله جرحك دافي
و گلولة من يوم الرحت
ليهسه ابد ما غافي
سلمولي ع الخان الوعد
گلوله جرحك دافي
و گلولة من يوم الرحت
ليهسه ابد ما غافي
ضعت
لا سالفة ولا راي
والنهران الـ بروحي
شربها فراگهم بهداي
مابيّه وجه ينشاف
انه مثل السما لوني ويه لون الماي .
"زياد البصراوي"
خنجر يحز بالروح صدگني فرگاك
لوانسه حتى الروح مااگدر انساك
ارسم من دمع عيني واردلك
واگطع من ورد گلبي وردلك
اغيب اشما اغيب تالي اردلك
لان انته الوحيد وغالي عليه
فرگاك حزن عاشور وشوفتك
فرحة الزهره وليگلك اني
انساك كون الكاظم يسطره
روحي بسبب فرگاك تطلع واردهه
مثل المضيعه اوليد بس هو عدهه
كل مااريد انساك اسمك اسمعه
گلبي انهزموياك ياهو يرجعه
حتى عافيتي
احس بعدك مشت
حاولت اصبر وتاني وماعشت
جنها مو روحي القويه الماتطيح !
جني وركات الخريف الصوفرت ..
حرگتنه شمس الصيف كلش خطيره
اسمر وجه وخدود ما تلگه غيره
مو بس علينه الصيف يا غادي الشر
عدنه اشكثر حلوات ذوبهن الحر