بعد بية بجي اعليهم
عاينت السمه بليلي .. وعثر خلگي
وسره بيه الونين هواي°
كف يا ليل
انه حزني اعله گد روحي
اعله گد الـ ( اه ) والحسره وطواريهم
انه الخلصان انه المامش بعد بيه بجي اعليهم
عدمن وَهدنت روحي !!
اعله يا شوف انرسم طولي ؟
عدمن نايمه الغبشه وجزت بيه
عدمن ماخذتني الريح
لهلال الله ترجيه
غفت بيه طواري الــ اه
عبرت الليل جم مره ويعت بيه
وجست روحي .. لحد اخر وجع بيه
وكاسرت الوجع بالكاس
مرات اليحب الله تكرهه الناس !!
مدري شبيه والهم انچفه بروحي..
انه استاهد الناس اجناب..
انه التايه انه المامش
انه الما صح علي طارش..
انه العاتبت جم سجه ولا صح للملاكه اعتاب...
انه الخلص سنين العمر مستاحش..
اشتهيت اندل وجع روحي وتهت بيه..
وتنيت الا اه من يا صوب..
ودورت الملامح بين الاولايه..
وعتگ وجهي ولا ضنيت..
حزن وتراب ملتم اعله الامرايه..
حسن وصفي
رد مع اقتباس
