أجواء الامتحانات كانت متعبة جداً، بيتنا ومدرستي بالدولعي (يعني قريب من الكاظمية والشعلة) والامتحان بأكاديمية الفنون الجميلة في منطقة باب المعظم، مسافة شوية بعيدة والمشكلة الازدحامات .. كنا نطلع من البيت وية أصدقائي ساعة 6 ونص نوصل ب8 الا ربع أو ب8 اذا ازدحام ، الامتحان يبدي بال9 بس نبقى هناك نراجع شوية الأجواء متنطي شعور بالراحة بيهة توتر ، يخلص الامتحان ساعة 12 على ما نوصل لبيوتنا صايرة ساعة وحدة وربع أو وحدة ونص، ما كنت أنام أكثر من أربع ساعات باليوم، خلصنا امتحانات وما أحلى الشعور بالحرية بعد سجن القراءة والامتحانات .. بقيت انتظر النتيجة حتى أشوف معدلي .. للأسف كان معدلي دون الطموح انغدرت بالدرجات على كل حال يوم 25 تموز 2009 استلمت النتيجة ناجح بمعدل 80 .. مع الأسف انحرمت من بعثة دراسية لأمريكا لأن أكو أعلى مني، ورغم أكثرهم اعتذرو ما راحو للبعثة لكن ما دزت علَيَّ الوزارة أصلاً محد اتصل بية من المسؤولين ولا كرمّني ولا صور وياية لقاء مع أن معدلي تقريباً محد واصل له من المكفوفين لكن هذا حال العراق الحر الأبي بس ظلم وسرقة جهود.
رد مع اقتباس
المشاركة الأصلية كتبت بواسطة فواطم الصافي
رحت للاذاعة واستلمت الهدية وصوروني على التلفزيون كانت هذه أولى المرات التي أظهر فيها على التلفاز، بعدين استلمت استمارة التقديم للكليات بتاريخ 10 أيلول وبعد تفكير قررت أقدم على كليات القانون كعدت أرتب الكليات خليت كلية الحقوق / جامعة النهرين أول شي لأن قريبة من بيتنا وراها قانون بغداد وهكذا، قدمت الاستمارة بس ظليت قلق خايف لا ما أنقبل قانون وأنغدر مثل ما انغدرت بالمعدل مال الاعدادية، يوم 26 تشرين الأول خابرني صاحبي بشرني بالقبول في كلية الحقوق / جامعة النهرين .. أخيراً وصلت الى شاطئ الأمان بعد قلق طويل.
الولد راسمين مربعات ومستطيلات والبنات راسماتلي ورود !
بعدين صحيح جواب السؤال 5 أسطر بس مو يعني تقطعون الجزء المكتوب بيه من الورقة وتنطونياه انطوني ورقة كاملة لو هيج انتو اقتصاديين؟!!)
خطية بعد شوية تبجي والبنات يكولون (ست مو احنة نحبج رسمنالج ورود) ههههههههه