الحمد لله طلعت الأول من نجحت للصف الثاني، اجا قرار من وزير العمل بتكريم الأوائل على صفوفهم في معاهد تأهيل المعاقين والمكفوفين، فعلاً أخذونا بسيارة للوزارة قابلنا الوزير وكرّمنا أعطانا ساعات لمس تناسب المكفوفين (أما المعاقين ما أدري شانطاهم بس كرّمهم) كان حافز إيجابي خلّاني أحب الدراسة بعد أكثر وأجتهد بيهة، شوفو حكومة قبل الدكتاتورة بس المكفوف كان بيهة مرتاح وهسة الحكومة الديموقراطية (الله يكرّم) بس المكفوف متبهذل.
متى أرى ثمرة جهدي ونتيجة تخرّجي ونيلي شهادة عليا؟ تبّاً
متابع وبشغف
كل الترحيب بك أخي العزيزالمشاركة الأصلية كتبت بواسطة فہيہؤنہكہ
متابع وبشغف
صف ثاني ابتدائي انتخبوني قدوة الصف للمرة الأولى كان شعور رائع جداً
صف ثالث ابتدائي بدؤو يعلمونا العزف على الآلات الموسيقية لأن بالمعهد عدنة درس اسمه موسيقى عجبتني آلة الأورك بس للأسف المعلّم ما كان يعلّمنا بشكل صحيح وأكثر الأحيان نطلع للساحة من يصير درس الموسيقى لهذا كلشي ما تعلمت
حادثة تفيد اللي يدورون على مغامراتي مثل بطيخة وفيروز ههههه. كان يوم الاثنين بالليل بس ما أتذكر التاريخ، كنت وية أولاد عمتي كاعدين بالمرجوحة نغنيّ ونتأرجح فجأة دفعنة المرجوحة بقوة زايدة [والحقيقة آني دفعتها بقوة مفرطة عليكم الله لتفتنون] جان تنكلُب بينة وانشمرنة
آني صرت ليغاد والجماعة انحبسو جوة المرجوحة
ما أكلكم المنظر يشبع ضحك
واني كلش شجاع عفتهم وشردت للبيت حتى محد يكلّي انت هم جنت وياهم وكلبت المرجوحة وما أحصل ر.ز.ا.ل.ة
بس انكشفت لأن الجماعة راحو لوالدتي وعمتي وكالو (حسن هم كان ويانة) لكن الحمد لله محد ت.ر.ز.ل
رح أسولفلكم شغلة خطرة جداً جداً جداً، الكل سامع بمسرحية الزعيم وشايفهة، هالمسرحية كانت بزمن النظام المقبور ممنوعة بس احنة جبناهة بالتهريب هههههه، اكو مشهد بيهة يطلع عادل إمام يقول (خلّيك يشعبي يعبيط ماشي جنب الحيط)، مرة رايحين لزيارة الإمام الكاظم عليه السلام ودنتمشى حتى ندخل المرقد اني تذكرت المشهد وكعدت أردد بيه كان تجي أختي تكلّي (يمعوّد شتسوي لتحجي) ، أحلى شي كانو ليغاد من عدنة أمن مدري شرطة لو سامعيني كان متشوفون عضو اسمه the investigator هههههههههه
افتتاح موفق
متابعه
أهلاً وسهلاً بكِافتتاح موفق
متابعه
رد مع اقتباس