أزرع گاع روحك
.رازقي ونسرين....
.وأشتلها گصب من يشح ماي الهور....
.وأفطم منجلك
.لوراد يحصد غيم.
.وأكسر منجلك لو راد يحصد زور...؟
.واخذ دمعة عزيزك
.وأستعيره أفراح.
.ولبسه العيد بيدك وأكشخ ابعاشور!!!
.
أزرع گاع روحك
.رازقي ونسرين....
.وأشتلها گصب من يشح ماي الهور....
.وأفطم منجلك
.لوراد يحصد غيم.
.وأكسر منجلك لو راد يحصد زور...؟
.واخذ دمعة عزيزك
.وأستعيره أفراح.
.ولبسه العيد بيدك وأكشخ ابعاشور!!!
.
الموت من ياخذ حنين يذل
حنين ..
يامن مقدر علي...غيرك فصاله صعب
جم دوب ...؟! ...اخيط واشك
ما اضم عليك شكثر...مرت بعيني صور
ومن غيميت ونزل من عيني ذاك المطر...بس انت تبسمرت
والباقي كلها زلك
ماضم عليك
الجدم غمض عيونه ومشه
وداني واني بطرك ...شفه واذن تستمع
للي خذوا غيبتك...مجبور افضي الخلك
وتكاتل ويا الحجي ...والخيل داست علي
سحكَت ضلوعي سحك
اصحى : براسي انطعن !!
اسكر : رمح بالكَلب
بين الصحو والسكر ...رمحين صفن طبك
عنت علي شوفتك ...واصبرت ...بس ماصبر كَلبي وصرخ :
راح اطك
جاباني الك واذعنت ...جيتك بليلة شته
ظلمه ومطرها رشك ...وشبعده صار الدرب
خوف ...ورعيد ...وثلج
وجفوف ايديه ....زرك
ها ...كَمت...ضميت ايديه
وردت عالباب ...بالروح ادك
بس ...كَالوا :_ المن تدك ؟
كلمن مشه بنيته ...كلمن مشى الحالته
واحد ...سكن بالغرب
واحد سكن بالشرك
وحگ طيفك
وحگ عينك
وحگ كل گمرة بسنينك
البردن من رحت عنهن
يفيضن من تجي بظنهن
ضواهن يخدر بطينك
وحگ كل گمرة بسنينك
تانيتكم
حد ما خلص شوف العگل
واتسودنت
طگن سواديني (وأهذري) شلونكم
.
تانيتكم
مخنوگ بالعبره صدگ
والوحشه ماگلكم شنو ؟
باب ومغربيه وشته ..
.
تانيتكم
جلمة عشگ بشفايف اخرس مختنگ
ماترضه تطلع وينكم
بعدني الاه تاخذني لمواويلك
وبعدها الدنيا تلجمني واجي اشكيلك ..
وانته ارسوم بالحايط لجن
تسمعني يابو عيون كحليه
انه شبيه ??
عفتني عيون ذبلانه خذتها
الدنيا فصليه ..
لا تنام...
.الضيْ ، هرش ؛ممدود بتراب الظلام؛
.برعم انفاس،
.وندم ليل وملام،
.وشِفه تتمنی حَلالك يالحرام......./
.لا تنام؛
.الليله متروسه محنه؛
.الليل غنه؛
.الجرح غنه؛
.الشوگ غنه؛
.وك لا تنام،
.يا خصر،وحزام حِنه؛
.أگلب الدنيه ع الدنيه،
.واسولفلك حمام.،
.وک لا تنام...لا تنام....../
.
عامر عاصي
ليش
ليش من گتلك اخذ
گلبي علة كيفك ما اخذته؟
وليش من صاحاك گلبي
تدير چنك ماسمعته
مصطفى جبر
ليش من گتلك بساتين البروحي
تريد فيّك ،
عاندتني !
وليش من گتلك تعال نصير
للدنيا ورد
ما طاوعتني !
و ليش ..
ليش من بعت الاحبهم و اشتريتك
انت اول ما حچو عني بعتني!
غانم فياض
ليش من طشو سمارك ماصحتني
علي شميل