.كأنو رجعت بالزمن بس البعض بنفس العمر والبقيه لا.. اني لوحيدة لاهلي ...طلعت ابحث عن شخص (...) وبنفس الوقت كنت اراسله بس بدون ميدري اني اريد اشوفه كانت مثل مفاجأه..
الاشياء الي حولي كانت غريبه لدرجه استطيع اتحكم بالطقس ..المهم اني. متركت مكان بحثت هواي الى ان ايست من لقاءنا ...بعدها بحثت عن صديقتي دخلت للمدرسه طبعا نفسها بس تختلف قليل. ضليت اصيح نور علاء وين..دخلت للصف ...حضنتها .فكل الطالبات كالت اكيد نور منو ميعرفها .حاولت افهمهم معرفتي بيها بس مكدرت لان جايه من غير مكان من غير دوله ومن غير زمن ....بقيه صديقاتها من ضمنها هاجر ...كانت طفله بس جدا جدا جميله وذكيه...اول ما شفتها كلت هاي هاجر البنات كالن اي...من بعدها اخذت صور ويا البنات ...دخلت علينا مدرسه الانكليزي وشخص اعتقد كان مشرف...
بدا الدرس فتحت الكتاب مالتي...يختلف عن كتبهم ..مرت ربع ساعه عن بدايه المحاظره.
حسيت نفسي مختنكه حيل .
اترخصت من المدرسه وطلعت اني ونور.
بس كأنما غير شخص مو صديقتي بس اكيد متعرفني لان من غير زمن وصلت اني...
تالي شفت طالبات واكو طالبه جدا جميله اعرفها ..فمن شفتها وبغير زمن وبغير مكان ..بدون ما انتبه سألت هاي منو..من التفتت الشخص اللي سألته طلعت اختها التؤام...ابتسمتلي وجاوبت ...
اني ونور طلعنا تمشينه قليل فمرت من يمنا سياره ..توقفت النا ..الشخص اللي كان بيها من ايران ..
من ردت اركب بالسياره فتح الباب اللي يمه وكلي صعدي ..استغربت بالبدايه بس تالي صعدت وياه وعادي ..من بعدها سألني عن هواي امور صديقتي جاوبته...كان حديثهم بالانكليزي اني بس ابتسمت والتفتت للمناظر الي وراي ..كانت فعلا جميله
..وصلنا للمكان اللي نريده...
ضلينا نتمشى ...صادفت هواي امور مختلفه...واشخاص
بعد مرور ساعه
شفت نفس الشخص اللي وصلنا...انطاني ورقه كلي اقريها...ما اتذكر المكتوب بس اني وياه فعلا فرحنا ..وضلينا نتكلم ..حسيت هذا الشخص قريب الي كانو صار سنين اعرفه ...كنت مصدومه من معرفتنا لبعض ومبقينا غير ساعه ...افترقنا لانو كان عنده امر مهم ...نور اختفت ما شفتها بعد...
كملت طريقي دخلت بمكان كانما دائره او بالاحرى مكان محوط ومنعزل عن بقيه الاماكن كلشي بيه ...حبيته اني ...
صادفت هواي ناس وساعدتهم ...
واخيرا التقيت بأهلي ....بقيت شوي يمهم وطلعت اكمل الشي اللي اجيت علموده....
من طلعت هالمره كان الكل يعرفني ..معرف السبب بس نظرتهم الي كانت حلوة ...واني اتمشى كان اكو شخص متورط ويا ناس ...
معرف منين تجيني الشجاعه ورحت حليت الامور بينهم
....دخلت بمكان ...واني ادنن بأغنيه وبيدي فاكهه كانو ممنوعه بالمكان اللي اتواجد بيه... صدفه شفت بابا وماما ونور ...
بس كملت طريقي ودخلت حديقه ...
بيها انواع الفواكه غريب شكلها ..والحديقه متاهه الشاطر اللي يطلع منها...شفت شخص بيها معرفت بالبدايه شنو لازم بيده ..بس تالي فهمت انو هو حاول يقتل ناس بـ مواد كيميائه قويه اذا تطخ بالارض تتفجر ...(صار فلم هنا عاا))
المهم بس اني الشاهد الوحيد عليه ...بس ما اكدر اسوي شي...
حاولت افكر بشي بس هو وكع المواد من ايده وطلع صوت جدا قوي وتفجرت الارض الي وكعت عليها المواد...ركضت حته احاول اسوي شي...سمعت اشخاص كالو هاي اكيد السبب من مايا (نفسهم الجماعه الي حليت امورهم مع شخص )لانو وقفت بوجههم اتهموني الي...بس الاشخاص اللي ساعدتهم هم بعدوني حته لا اتاذه من قبل اي شخص
دخلت الناس كلها بالحديقه ومن ضمنهم الشخص اللي فجر ...خليت ايدي على كتفه ...كتله بكلمه وحدة مني هسه تتدمر ..لان عندي ادله عليك ..فرد بجواب اذكى مني ..بس كلي (اهلج)..
اهلي كانو قريبين منه
فاخذته ودخلنا بمكان السقف مكشوف يعني مكان شبه محطم .ومظلم ..حاولت افهم منه السبب اللي يخليه يسوي هيج شي..
طلع عنده حق بكلشي ...فحبيت نحل هالشي سوه واتفقنا على شي ..بس الكل يدور عليّ اني ...
صعد شخص مسلح فوك قريب من المكان اللي احنه بيه ...
ماكو اي شي نحتمي بيه...مجرد واحد ماسك ايد الثاني من الخوف ...
نزل هااشخص وصار قريب كلش من عدنا...
ما شافنه ...طلع صوت ...هو التفت ووجه السلاح علينا ...الطلقه كانت قريبه جدا جدا من راسي..
الشخص الي يمي اعترف هو المذنب مو اني...بس لانو كان اخوه ساعده...طلعنا احنه الاثنين...
اني ركضت لماما من الخوف...فخبرتها بكلشي صار....والناس كلها موجودة..
دخل شخص ماانطيته اي اهتمام بالبدايه
....بس تقرب من يمناا.
هذا الشخص اللي كنت ادور عليه واراسله بالبدايه ...
وجوده نساني كل اللي صار ...كانو بغير عالم صرنا....
الشخص اللي وصلنا كان هو مخليه النا ...
تكلم عن كلشي صار بس بالي كان يم ابتسامته ...
شي خيالي ...
رد مع اقتباس
المشاركة الأصلية كتبت بواسطة فتاة من ذهب
صباحج مثلج
