.مر بيّه
توالي شموع شگ زيج الظلام وفوت !
انه براسي سهر مديون
والحسبات سر بيوت !
مر بيّه
السوالف طفحت امن العين
من مات اعله شفتي الصوت !
مر بيّه
الطريق بعيد
والدنيا آمان وخوف !
مر بيّه
ولو غلطان !
لـ أبچيلك دمع عميان
واتبدى اعله خدك شوف !
يل كلشي اعله بالي الگاك
وین الگاك ؟
ي صفصافة نهر
والناس ماتقنع تشیل عثوگ
وانه منین ما البسک رهاوة ثوب
بس طوله اعله طولي ایلوگ
مر بیّه
رکض صبیان
فزز واهسي من سنین
لو دگة چذب عالباب
تگشط جلد المتانین
و أمتانیین !!
رد مع اقتباس
