الف مرحب هلا بجيتك وحيك
الف مرحب هلا بجيتك وحيك
اريد اوصل لعد بيتك وحيك
واغني لك ياغالي بابا حيك
وعلى درب ليمرون نسمعها سويه
اجيتك وبمشيتي الك هميت
وبيك من الزغر ياترف هميت
آنه بفركتك محسوب هميت
و بجيتك ترد الروح بيه
اريد اعزف وغنيلك عتابه
وعليك الكلب ما بطل عتابه
احن لدار ما انسه عتابه
وتضل ذكراه دوم اتعن عليه
تعال ودوزن بكيفك وتاري
وصرت لعبة طفل بيدك واتاري
تور البسمه حطت وتاري
خبط ويه الشعل وابعَد عليه
الكلب حبك وغيرك ابد مختار
ولدروبك يغالي صبح مختار
بحبك تاه مخه وصار مختار
يحط عالناس بس ميحط عليه
رد مع اقتباس
