هنا

[ارجع يازمان]

وين اشوفك
حته اكللك ابروحي العاركتني
كامت اتلح وتعتني!
والشماته
ايعاينون
وين اشوفك!
وانته رايح ماشفتني
اشلون
اعارك
ويه روحي
وهمه يمي ايطبلون
وما يجون ايحاجزون!

أه يروحي الما تهمك
وهيه بس اتعتني يمك!
وانته غايب
حيل زادت بالطلايب!
خيبت كل الظنون
والشماته
ايعاينون!

صاحت ابذيج المسيه
ولمت الوادم عليه
اتكلي هسه اتجيبه اليه!
لو نروح اويه المنيه!
وادري
روحي
امسودنه
وتهوى الجنون!
وادري ما رايح تجون
والشماته اكبال عيني ايطبلون
وما يجون ايحاجزون
وين اشوفك!
حسين االساعدي

[✿ عِشق ✿]

جميل
سلمت شاعرنا الساعدي..