هم دارت سنه وزينب بعدها تعد
وتحسب ل ابو فاضل مايرد ..يرد
وتتعب من اديها وتلتفت للغيم
وتكله تره ازعل لونسه الموعد
تره زينب زعلها يوجع العباس
مثل سحگت التربه التوجع المسجد
مثل هذا الهوه اليفتح جروح حسين
ورقيه ازغار اديها وماتكفي تسد
من تصرخ رقيه يكزبر القران
واذا شالت اديها ال بلنجف يگعد
بس انه العقيله ال تصعد اعله الاخ
مثل صعدت زراك الماي من يركد
امن يشتموني هذا الهوى يلبد
وعكازت علي السجاد توگف سد
بيد الزم حجابي وبيد اعدل الگاع
الگاع تميل كل ماروسكم ترعد
مثل ميلت غترتك هيج روحي تميل
تباوع للنحر وتگله خل يگعد
تره الماعدها اخو. من اتطيح ماتشال
واذا طاحت عباتي العرش مايركد
احمد_عاشور
رد مع اقتباس
المشاركة الأصلية كتبت بواسطة Zahraa ❤ Al obaidi
