هنا

[ارجع يازمان]

جَدم يبو المشحوف ذولاك اهلنه
خلينه نشبع شوف من المحنه
شوف الكلب ملهوف
جدم يبو المشحوف
ماناموا الجيران ليل الأونه!
جَدم يبو المشحوف ذولاك اهلنه

:::::

ريحة هلي اشتميت وديني ليهم
عطر المحنه اشلون لايك عليهم
يمكن تموت الروح لوما نجيهم
كل العوافي اهناك مابين اديهم
سويلي هاالمعروف
جدم يبو المشحوف
وين الله كون ابيوم يلتم شملنه
جَدم يبو المشحوف ذولاك اهلنه

:::::::::

أستحلفك هاليوم بالله ورسوله
اسمع كلامي اوياك واخذ الاكوله
رايد اشوف اهناك عشك الطفوله
مسكينه روحي النوح صالها سوله
روحي الكتلها الخوف
جدم يبو المشحوف
خايف الروح اتروح مامنها ظنه
جَدم يبو المشحوف ذولاك اهلنه

:::::::::

هاي المنازل هاي مشتاك أطبها
بيها اشكثر غالين واشكد احبها
فاركت ناس اشلون طيبة كلبها
معذوره هاي العين ضايع دربها
هلبت اعيوني اتشوف
جدم يبو المشحوف
هلبت نشوف اعيون ماودعنه!
جَدم يبو المشحوف ذولاك اهلنه
حسين االساعدي

[✿ عِشق ✿]

ابيات جميلة

..تحياتي الساعدي...

[كرار الحسيني]

حلو