گبل لا چنت اعرف الماي .....چنت انت
وگبل حزني ولگيتك تندل بروحي
بديت من اول عيونك.... لحد اخر شمس بيهن
گلت الگاك... وين الگاك ؟؟؟؟؟
لو جابو طواري الدم !!!!! هذاك انت الگضو ربعك ولا مهتم... شثگل روحك ؟؟؟ حزنهه ابيض..... من انباگ لون الشط خذو حگك !!!!
ياجف الذهب وياك اخذ جفي اريد الگاك اريد اتشضه ع الثوار دم ابيض
اريد من التراب انهض
الماعرفو حجي النجمه التغاوت بيك عاذرهم
ما شالوك قرأن بضمايرهم
وگبل لا اوچد المرايه چنت باهت
اسافر وين ما اشوف الضوه الخافت
اسافر وين ماصوت الچذب ع المنبر يذكرك
لحد ما لاحن شموسك
عرفت اللذه من تعشگ گبل روحك
عرفت الناس والمو ناس والمضمون والانسان والجوهر
وعرفت اليشتهي التفاح لابد يعثر بمنبر
لگيت بكل تفاصيلك رسايل تشبه انسانك
لگيت بكل سماواتك حزن يتبدى مدري منين
من لون اليعشگونك
من يبرد وحي الثوار ارد افتح روازينك
ارد استلهم الثوار اغينك ويغنونك
عرفتك والشمس حسيت بيهه تناوشت جفي
وصتني عله باجر من بيوت الطين لازم تبتدي الثوره
وصتني الصليب بكل گلب يندگ نجم گمره
وصي الناس خل تكتب عله الحيطان باجر نشعل الثوره
باجر تبتدي الثوره
رد مع اقتباس
