تريد المعركة تبدي الصبح .. بالليل ؟
هسه تريد باچر عدنا ماكو اشكال
ماجينا اعله مود نعوفكم ونروح
ترضاها انتعيّر بالحچي الينگال
تقبل ننعبر من نگعد بديوان
يعبرنا الگهوچي شما يشيل ادلال
راسك ينطلب ؟
إلا احنه مو خيرين
تره انصارك نشامه
وعابرين اجيال
اعله هونك نتخذ يا جمل ؟
هذا الليل ؟
فشل لو مو جمل
من كون هسه اجمال
شنو شتكول زينب
ربع اخوي رچاچ ؟
لا والكفل زينب
مانطب اشكال
هجرنا بيوتنا
بگلبك لگينا بيوت
لگينا بداخلك للصدگ
چم تمثال
ولگينا بداخلك للضلع
راسم باب
لكن شفنا حيدر
من بعيد هلال
چريمة اچتافنا
اتشيل الحمل مرتين
نفرح وانتنافس
كون ثگل اجبال
خفيفة ارماحهم
باچر ثگيلة اتصير
بيهن گبل راسك
روسنا التنشال
رسمناك الصبح
واتبده طولك خير
وكتبناك بعطش
بس واهسك شلال
اعله مود عيونكم
حبينا حتى الطيف
حتى الماتگوله
نحبه ما ينگال
هذا الطف زغر
نسحگ رگب مو گاع
باچر شوف ربعك
شابهم خيّال
كشخنا بصيتكم
لاخر مطر بالغيم
محال نعوفكم
تدري العشگ چتال
اليباوع للخيّم
نترس عيونه اسهام
خيّم نسوانكم
مايجي ابسدها اخيال
اخذنا براحتك
للموت .. مو للموت
المهم خنشوف عندك
هسه راحة بال
وزعنا اعله كيف
بكل شبر تاريخ
بينا وداعتك
تنضرب خوش امثال
شنو نفارگ ضواك ؟
ليا نهار انلوگ
هو احنه اعله گاعك
جابنا الترحال
أشّر على الليل
انطشره الك نجمات
خافن غاثك
حتى السهر ينشال
الهوه بنص خيمتك
نشتم ( محمد) بي
حطنا لخيمتك عمدان
حطنا .. احبال
طلعلنا الرضيع
نگابل الكاروك
نكبر كون
صرنا اويه الرضيع اطفال
ضمنا دموع تچوي
لغربة السجاد
فياي اعله الهوادج
حطنا ماينشال .. بينا الماله اخو
وشافك لظهره حزام
والماعنده أم
شافك محنة ومال
والماعنده والد
گال ابوي حسين
الزغير البينا يمك
ينحسب رجال
لـــ ( حسام سباهي )
رد مع اقتباس
