عندي فتيان اربعه
حجوا اعله المشرعه
والگلب لبه وسعه
كربله ياكربله
انه وصيت النشامة وادري يوفون **ادري يوفون
اربعة وخالد ذكرهم مايموتون **مايموتون
ولدي وية حسين اخوهم مايقصرون **مايقصرون
حتى لوعدلين رجعو هم يضحون **هم يضحون
حسين كاتب ع النحر ** فدوة لاسمك ياگمر
هالنحر مااروعه ** كربله ياكربله
عندي فتيان اربعه
حجوا اعله المشرعه
والگلب لبه وسعه
كربله ياكربله
زينب الحرة بخدرهه تسولف الناس**تسولف الناس
وگفت ليوث أربعة بخمتهه حراس **خيمتهه حراس
يوم الصاحت وين اخويه ليرفع الراس **يرفع الراس
گطع اچفوفة اعله شاطي النهر عباس **النهر عباس
هذا اخوهه وغيرته ** چفه ماهد رايته
عهد بالدم وقعه ** كربله ياكربله
عندي فتيان اربعه
حجوا اعله المشرعه
والگلب لبه وسعه
كربله ياكربله
انا ولدي تسولف الدنية بعزمهم **الدنية بعزمهم
لوحة رسموا للوفاء بلون دمهم **لون دمهم
مايموت الذكره مقرون باسمهم **مقرون باسمهم
للشرف ضحو مثل ماوصت امهم **ماوصت امهم
خوان سبع الگنطرة ** للمراجل مفخرة
بالولد متبرعه ** كربله ياكربله
عندي فتيان اربعه
حجوا اعله المشرعه
والگلب لبه وسعه
كربله ياكربله
انا ام الأربعة الوفت لابنهه **وفت لابنهه
تسلحت بالدم وطلعت من وطنهه **من وطنهه
ربت اهل المرجلة وماخاب ظنهه **ماخاب ظنهه
غيرة الله غيرة العباس ابنهه **العباس ابنهه
اربعة وكلهم فخر ** تلث كواكب والگمر
هالبدور الساطعه ** كربله ياكربله
عندي فتيان اربعه
حجوا اعله المشرعه
والگلب لبه وسعه
كربله ياكربله
انا ام الـبلـ مواقف شرفوهه **شرفوهه
بطفوف وصية امهم مانسوهه **مانسوهه
مايرجعون لوطنهم عاهدوهه **عاهدوهه
هي كلمة ومن حچو نفذوهه **نفذوهه
ذوله رهبان الفله ** استقبليهم كربله
من تدور الواقعه ** كربله ياكربله
عندي فتيان اربعه
حجوا اعله المشرعه
والگلب لبه وسعه
كربله ياكربله
درستهم عالوفه وحب الإمامة **حب الإمامة
والكرامة خذت من عدهم كرامة **عدهم كرامة
فاطمة تجازيهم بيوم القيامة **بيوم القيامة
وترفع اچفوف الگمر أول علامة **اول علامة
تنادي يارب السمه ** هذا مطلب فاطمه
والچفوف امگطعه ** كربله ياكربله
كلمات الشاعر: علي الخفاجي
تدوين :Zahraa Al obaid
صفر 1439
لتحميل القصيدة هناMp3
رد مع اقتباس
المشاركة الأصلية كتبت بواسطة Salam Salman
