لیل وحلوگ السوالف ما تمل
وانته نایم
گوم وانده غبشة الله
الحگ عدل
الضمیر یعیش من یحچی وحده
حتی لو فز الوکت یحچی صدگ
عوف ممشی الساجیه براگ النهر
درب الولایه غمیج
وشوگنا بحاجة نظر
ياسهر خلينه نعشگ
حتی لو ردنه البعیده چفوفنه تلوح الگمر
الي یهوه الناصیه تذمه السمه
ماکو موت یهون وموت یصب دمه
وهیه ساعه وربک اعلم
لو ترد للموت لو توگف عدل
لیل وحلوگ السوالف ما تمل
آنه وحدي
بحاجة البسمه العلى شفاف الزغار
بحاجة السلطه تفك طوق الحصار
بحاجة الوادم تفكر بالعمار
بحاجة..بحاجة…بحاجة
حتى ملك الموت محتاجينه
محمد الشويكي
رد مع اقتباس
