هنا

[تّـفـاَصيلـٓ]

چنت نایم والحلم جرنی اعله کیفه
لباب بیتک
ما لگیتک
بس تراچي الریح وسنین العمر والریل سکته
وگاعده السمره اعله رمشی
تخیط بثوب الصبح
وراسمه الآهات صندوگ وقفل مفتاحه ضاع
والسوالف لیلو فوگ شفاف بت جارتنه ما اگول اشأسمها
.
إیدی ما توصل ارید اشتم زلفها
العمر گوض
الغیوم الناشدتها ترید من چفي مطر
منین اجیب المای وسنینی گحط
إی یعمری، الموت ما الگاله باب
الساجیه وهرش المحنه وبیت ابوی سنین یبچن
والفرح زعلان چنه
یرید عینی تبوس ادیه
وآنه مشتول اعله ضیمی
ونابت بعزة نفس
حسبه تاخذنی لعشگ والثانیه تردنی اعله دمعی
وحسبه تاخذنی لوطن والثانیه تردنی اعله حلمی
إی یعمری، الموت ما الگاله باب.
لاخبرغنت بگایه الروح.
بلکی تشم عطرکم
وصابرین نصیح یالبیکم أملنه
والحنین یجرنه مدری لوین ...
ظنته یمر باهلنه
وظنتی تهنه وما درینه
حساب ضیعنه مشینه
ای یعمری، الموت ما الگاله باب
خاف تگضی وننسی نتأمل اباچر من أمس
وخاف عگب اعمارنه تبین شمس
ان شاء الله نشوف الشمس

[أمجد الاسدي]

حلو ..

[✿ عِشق ✿]

شـكراً لنقلك عزيزتـي