هنا

[فقار الكرخي]

يبن الناس ..
طيفك بلل عيوني
وشرب كل السمار الضامة بوجهي
قصايد ناس..
واستوطن بروحي عشوش
ينزل الها الفجر لونين
واحد يشبه عيونك
والاخر حاطله
اشويون من لونك
يلون الياس
يلون الناس .. هذا الليل مدري
شبيه .. مايكضي بجكارة
وكاس
مدري منين أجيبله خلگ ثاني
خلگ كون
إعله گد
ضحكة شبابيچك
هذيچ الچنت من تفتحها
ذرعانك .. تنزلي
إعله گدي إحساس ..
أشم رويحته من ايدك
بيه ريحة قميصك والدفو المدفون
بين ازرارك وجيدك
وأنا بلا راي .. أظل بلا عگل
أشمر بشوفي إعليك ..
كل وبالي أسولف وي عناگيدك
و أنا بلا راي .. أشمن بالاوراگ
الشايلة أوصافك ..
أبوس بالعيون الشافت الشافك
وأرد وسوالفي بصفي
يكل الناس
هو العده
خدك ليش ماينباس ؟
أرد وكسرة الخاطر مثل صوتي
البيه اسمك جزيرة ماس
البيه عطرك ..
ورد منسي اعله حايط وادم يعرفون
الفرق بين الغصن والفاس
وادم عدهم الدنيه حلم ليلة
وضحك مشدوه
وادم خايفين الله .. ومواسمهم
مطرها وجوه
وعيون
وأغاني
الياس ..





لـ شاعرها ..

[بُـنْيَـة عَـلِـيّ♡]

جميل

[سمراء من قوم عيسى]

الله الله

[فقار الكرخي]

منورين