الليل لم نجماته!!! حسين الساعدي
الليل لم نجماته وتوكل يروح
والصبح طر الفجر فوك السطوح
وانه اعارك عيني
كوه وماتنام
معاندتني وما نفع بيها الكلام!
باقيه ابدمعتها وتغَسل الجروح
والصبح طر الفجر فوك السطوح
:::::::
امنين اجيب احبابها وخاطر تهيد
والتناطرهم مشوا كلش بعيد!
ضلت ابدمعاتها
الترشك رشك
رايده اتوديني يم ذاك العشك!
وانه مفضوح ابونيني وبس انوح
الصبح طر الفجر فوك السطوح
:::::::
لا يعيني الراح مترده الدموع
وماتطَفين الجمر بين الضلوع
المن اتانيين
ليل ابلا كُمر
راح انصحج كبل ميروح النظر!
هيه جم ليله ونضل ابلايا روح
الصبح طر الفجر فوك السطوح
حسين االساعدي
رد مع اقتباس
المشاركة الأصلية كتبت بواسطة ♡ Zahraa Al obaidi ♡
