الليلة كل شوغات روحي
وكل بواجيها وحزنها
التمن بصدري وذكرتك
شلون اقنعهن خسرتك.
حيل اسحن گليبي سحن
وغرگني بالهم والحزن
ماگولن احاه واون
ياليل صدك مااطخ لك راس
وشكيلك حزن
ياليل
فحطن نجومك والگمر
واغيومك السود اندثر
وانه عل نغمات الربابه لطيف محبوبي ادگ
ودلالي فاحن هيل والهاون يرن
واصبع يطگ
اه ياليل وك لاهل العشگ ياليل
صرنه شموع ونحترگ ياليل
وانته تجر بذيالك وتجبجب وكل ساع تعثر
غادي اشتمر ياليل وك لم هدمك وغادي اشتمر
اه خليلنه بسوالفنه
وانشر على الخلگ ضيم السمر
ياليل وسع اطراف حبنه ولا لجاريه تطر
حيل اسحن گليبي سحن
وغرگني بالهم والحزن
ياليل صدگ ياليل صدگ
مااطخلك راس واشكيلك حزن
ياليل
الشاعر زامل سعيد فتاح
الشفايف شبگن اسنون الندامه
ودم جرن چي ضحكن ألكم
لــ فاضل غضبان
آنة الماعرض للناس وجهين
ولا ذاك الترجة الچان ماچان
لون بية تشب النار صوبين
اموت وما اصيح الماي يفلان.
ل صاحب الضويري
ودي ابوگن جسمي وابعد
ودي افك باب السنين السودة واشرد
ودي لكن
شدوا برجلي جرس يشهد عليه
وبس اشيلن خطوتي الحراس تكعد
لـ كاظم اسماعيل الگاطع
