ضحكتنه اويه هذا وذاك
براءه وتطرد الظنه
مانضحك
دغش
فد يوم
هيج وهاكثر جنه
نتألم عله المجروح
بالنص نكسم الونه!
انصدك بالحجي الينكال
نفرح باليمر النه
؛؛
انه لو
شفت مهموم
انسه افراحي والجنه
اشارك بلهموم اوياه
الدمع كدامه اطلعنه
هيج
احساسي
راح ايكون
اواسي اوما ازعلنه
اعدم
ضحكتي
ابملكاه
اذا بالضحكه اغثنه!
واذا حبيت اخلي الشوك
هو البسمي يتغنه
؛؛
شاعر
عاشك
وشفاف
أوصف ليلة الحنه!
ما متلثم
وانشاف
اجي امن الباب واتنعه
ما اعوفن
اذا
انعاف
اعيش ابجلمة الجنه
اضل ابذكرت الجنه
؛؛؛
مو جنه وجنت وياك
ياشوك اليوصفنه!
نسهر
والنجوم
اشهود
والليل اليجي ابصفنه!
حته الليل جان اينام
من يسمع سوالفنه!
ماتعرفنه؟ شنهو الصار!
يا أول معارفنه
شنطوك
ونسيت الشوك
يا شمعه ابمضايفنه
جنت تتخلق الصدفات
شجاك وما تصادفنه
شجاك وما تصادفنه!
حسين االساعدي
رد مع اقتباس