هجرك يهيج چامني البالروح لك وانكَز نكَز
هجرك
وجع هرفي ملح مركَبي دچ جرحي
قلق مدفون حز سچين بكَليبي يحز
ياهو اليضل مچتوف من يلكَي كنز
ياهو اليذب ريعه لطير الهور
يچرم وايده فركَسها المرز
وأصلك كنز
حتى لو كَلب نومي ثكَيل
ودغدغنه عيونك الحلوات يتسودن يفز
موش أنتَ نمت برهدنه
من أول سنة
بدولاب عمري وبي تهز
شماري هزاني الهوه
وكَليبي الك تدري شحوه
حنيه خضرة اتطري عود العود لـ عمري انطوه
حنيتي يالكلها الك
حنية الغركَان لشوية هوه
حنية السفان للسفان بچويريد وشراعه انطوه
ما نكَطه منك نكَطت عالروح وتكَول ارتوه
والبردي المصنهب مثل حالي
احسده شلون شد حيله وكَوه
يمكن بعد بي روح مو كلش خوه
واغفه وافز
وبحركَه اصيحن من افز
موش أنتَ نمت برهدنه
بدولاب عمري وبي تهز
رد مع اقتباس