هنا

[ارجع يازمان]

يصح واحد يفهمك من الاحساس
ويصح واحد تلح وما يفهمك!

ويصح واحد اتحبه وشيب الراس
ولا مهتملك!! إوكلش يهمك!

هذا اللي تحبه ابلايا مقياس
هو الزيدالك هذا همك!

ويصح واحد ابحُبك ماخذ الكاس
بس ما تقبل ايمر ويظمك!

اعيونه من بعيد اعليك حراس
كلش فايدك بس ما يعلمك!

وتشوفه كبل متكول الافلاس!
يبيع ابروحه كدامه ويقدمك!

ممكن بالتثمنه ابسعر الالماس
يثمنك بالصفر ! يوم اليقيمك!

ممكن بالتكرهه ابكره الارجاس
وبس تطشر ايحن ويلمك!

وممكن بالتحبه وهو علاس
وكدامك يجي وهاكد يشمك!!

هذا امن الصبح يبنيلك الساس
وبس اتظلم ايرد ويهدمك!

كدامك تشوفه ابوجه الاعراس
وهو الفاتحه الرادت تطمك!

ارسملك ادروب ابهاي الاجناس
خاطر تمشي بالدرب اليسلمك!

متوهم اذا تتوقع الناس
كلهم طيبين ابطيبت امك!
كلهم طيبيين ابطيبة امك
حسين االساعدي

[حسن هاشم]

جميل جدا ابداع شكرا للشعر الحلو