وأنت وحدك ؟
من تلمني بحضنك أشتم ،
وجه أبوي وضحكه أمي ورحمة الله
وأنت وحدك ؟
من تلمني بحضنك أشتم ،
وجه أبوي وضحكه أمي ورحمة الله
يمحسود اعله گولً أسمك اشوف التايهات انرسمن بوجهك
واحس اهواي باگت ناس من لونك
ولك اصحى بهت رسمك
تلم روحك
بگت وشلة خضار البيك بيهه الحگ
يمبيوگ الضحك بسك ولك شتريد
مامش حگ
ولك كافي
يچنك خشبة الگصاب مامرتاح شابع طگ
غبشه رمده … و بلبل اخرس و النده امتيه الورد.....
و الفراشه بلا رفيف اجناح
كاتلها البرد…..
و گلبي بايت فوگ شجره
و مدري ياساعه يرد ؟؟
عبد الكريم القصاب
اسم الله آعلى العراق الخاصرة الحرةاسم الله آعلى النثايه وعفّة الدرة
وعلى اليمّه ودللّول
وعلى آطويراتنا الڰــمرة
بعد ، وآســـم الله عالبرحيّه
ذيج الزاجيه النخله
وكَصايبها وگصايب كل حبايبها
لـ #عبد_الكريم_القصاب
بعد ياهو لهلاهلنه ؟بلابل والوكت محچال
افا اعله اعناده غردنه
منسيين مثل البير
مايه بچول ماكو اشفاف ضاگتنه
مخنوگين
هب العوز ليش انشمنه مامتنه ؟
بعدنه بخير مثل الصيت
اهواي اتريد طيحتنه
بس طيحت عشگ طحنه
بعد ياهو لهلاهلنه......
لـ #حيدر_منصور_المالكي
صــرتلهــم شجــر وبظــلي يرتاحــون جابــو نار ڪــبره وبــيها شعلــوني
گلت خلي اشتعل يمڪن دربهــم ليــل
ويجـوز من اشتعل ڪلش يشوفوني
لـ #حسنين_العتابي
ازرع واگول اليوم باچر تكـبر
لا ضگتك ولا خضريت اگبالي
كلما اگرب خطوه ارجع مطلــوب
واترس شليلك شوگ وارجع خالي
لـ #جمال_الازبجي
خذانا الواهـس مـن بعيـد
نـزف شمـوعنا لشوفـڪ
مشيـنا وأيـد تشبـگ أيـد
نـناغي الـروح بطيوفڪ
العمـر مـن غـير حـب شـيفيد
لمـني بعصـرت أﭼــفـوفڪ
لـ #ناظم_السماوي
رايدلي شبگــة عــشگ
بــس ڪون ڪلش عــشگ
والشــبگه چــتاله
وماعندي شــي بالعشگ
بــس ردت اشــوف الگلب يشتغل يولاله
لــ #عدنان_البركي
شحة ناس
ورگبتك گنطرة شمام
لو جاسك جِدم صبير
حشمني گلايد ياس
لـ #احمد_الطفيلي