ماهو الأفضل لمن فقد الحصول على عمل في العراق
السلام عليكمبعد وجع وإرهاق وتعب
اريد احد يفهمني
بصدق وبدون نظريات فلسفية ماهو الأفضل لمن فقد الحصول على عمل في العراق ؟ ممكن الحل في حياة الهجرةالى أوربا افضلً ؟ وهل يستطيع ان يحقق ويعيش كما هو في بلده وسط أهله علما انه غير مأزوم ماديا او معيشيا ؟
ولكم كل الشكر والتقدير
هي صعبة وعلى واسطات
اذا عندج شهادة معترف بيها بباقي الدول وعندج امكانية الهجرة شكو باقية هنا !:/
اذا ماكو فرصة تعيين والهجرة متاحة فأكيد هي الافضل ،اغلب الموظفين اللي يعيق سفرهم واستقرارهم هو الوظيفة وبالمناسبة هالوظيفة اللي محصليها باي دائرة من دوائر الدولة كلها مذلة ..اعرف الكثيرين بمختلف الدوائر كلها نفس الظيم..
والله لو بيدي أهاجر اني واهلي ونفتك من هاي العيشة شنو نترجى من العراق بس القهر والظيم لا اوضاع بيه خير لا شغل لا تعيين ندرس ونتعب وندفن الشهاده محرومين من ابسط حقوقنه شنسوي مجبورين ع هاي العيشة ونتظر الفرج ورحمة الله ولو هو العراق ما يصير بي خير نخلص من شي يجي اخس من حرب أيران لحرب بوش صدام داعش والله يستر شنو راح يجي وره داعش
شموسه اطلعي واخذيني وياج حبابه
ربما رأي مغاير لآراء الاخوة ..فـ حياة الغربة لاتطاق .ابقى ابحث عن عمل .موشرط وظيفة حكومية
اذا كانت الفرصة متاحة فالخروج افضل
اذا الفرصة متاحة واحد يطلع افضل
والله ما ادري ... قرار صعب بين الهجرة وترك الاهل والله يعلم شنو منتظر المهاجر.. وبين البقاء والعيشه ضنكه...
اريد افهم منو افضلً فرصة للهجرة للتعلم ام للعمل ام لتحسين المعيشه ؟وهل التعب نفسه كما في العراق ماكو واحد مهاجر يفيدنه بهاي الاّراء يرحم والديكم؟؟
