والعشائر سقطت ابهل امتحان!-حسين الساعدي
امنين أجيبلك علي ابهذا الزمان
ياخذ ابثارك وينطينه الامان
الحكومه اويه الدواعش حاضرين
ويه كل سافل ابهذا البرلمان!
فرهدونه وضاعت احلام السنين
والشجاع اتقيد ابحكم الجبان!
والله لوما الاحتلال امطشرين
جانوا ايجدون همه ابكل مكان!
مثل ما جانوا كبل عالظالمين
بس يلطمون ويدورون الحنان!
اجو عالدبابه مثل الفاتحين!
فتحوا ابار النفط مو لظمان
خاطر ايبوكون بوك الحاقدين
وصرنه مطلوبين! والله المستعان
الله ليوفق امريكا الجايبين
الف صدام وتجادل بالرهان!
الشعب ضل مبتلي ابحقد الدفين
محد اينقذه ابحكم جور الزمان
لا مراجع سَقطت حكم اللعين
والعشائر سقطت ابهل امتحان!
واليريد اصلاح ضل ابلا معين
مايخلونه ولا يلكه الامان
مايخلونه ولا يلكه الامان!
حسين االساعدي
رد مع اقتباس