بعدني اشتاكلك بس ما كلت مشتاك
بعدني اشتاكِـلك
رغم افراك وجهك ادري بيه ايشل
حل بطيحتك كالو حبيبك صاح
سمعت اسم الله اكلهم ما سمعت الحل
حتى الما اهمهم كامو ايسلمون
الله يساعدك يمكن مفارك خل
شيب ظلـــي بس ماشـــاب امل ملكاك
شتكول ابـقة انـــــاطر حتــى ابدل ظــل
بعدهــن عــــالجفن نظــراتـك امجلبــات
اخـــاف افتح اعيوني ونظرة نظـرة اتمل
امن اذب حسرة محب عالكبر تطلع روح
تكــعد الموتــة حســرة محب لــو تنــزل
لويت اذراع شمسك خضرتلك ليل
ماتخصر بعد تريد تمشي اتضل
الرسملك واهس ام اكبال سيفك ناي
ماتكدر تذله العشك مابي ذل
طبعك ماصفه مثل اليحب بخوف
عايش لحظته مثلك تشد وتفل
من جنت انته يمي الغيض وسفه ايصير
وافرح لون همك فوك كلبي ايجل
اكرها المايحب ماضاك طعم الليل
ولاتانه رسايل من محب يرسل
نبقه الياوكت مثل العراق انعيش
مثل ملحب يحب هم هوه متعلعل
انا الصايم عليك من افطر الا وياك
اجذب اهلاهم ومصدكك ومتحل
ويصوتك خيال النفس جان يفوت
ماسامع كبل للنفس يوجد ضل
كبل لدور وجهك حجي الناس اندار
مفارك ناس صاحت ناس صاحت حل
موكلهم شماته استغفر الله اهواي
لذلك كمت احس القله بيها الكل
قساوة صوت غيرك باذني تكتب راح
يمته اكتب رجعلي وانسه حجي الذل
للشاعر علي عباس المحمداوي
رد مع اقتباس
