إلهــي حقـق امنيتــي
وجازينــي اعله تربيتــي
وتـعـب ذيـــج السنيـــن
اريـــد آخـــر نفـــس منـــي
حسيـــن وينكطـــع ونـــي
بـــدعـــاء أم البنيـــن
كل عمري لك سجدة شكر
يالوفقتني اخدمهم
اتباهى دنيه وآخره
اسمي مثل اسم امهم
ساداتي اولاد النبي
اتوضى لو اكلمهم
ينسى الحجي وينسه العمر
ساعة الي يكعد يمهم
جبريـــل اعتـــله القــمه
نـــزوله ايخلــصـه بالخدمـــه
وصـــل عيـــن اليقيـــن ..
يالتقبـــل دعـــا الداعـــي
استجيـــب وخمـــد اوجاعـــي
بـــدعـــاء أم البنيـــن ...
عباس صار وأمنت
ويام الحسن راح اوفي
ينشدني ابوي اليا سبب
بصياري باس اجفوفي
ماكتله جي يتكطعن
مايمشي للطف خوفي
بس من دره هوايه فرح
كلي اسمعي وشوفي
أريــد اخـــوان افديـــهم
لإمـــامي وافتـــخر بيهـــم
كبـــل طـــر الجبيـــن ...
اجونـــي اتلاثـــه ودعيتـــك
يـــرب تقبلـــها ونخيـــتك
بـــدعـــاء أم البنيـــن
ماحاجة اسولفلك يرب
يالتدري بالما ادري
تعرف حسين اشيعني الي
تسبيحي بإسمه وذكري
حتى العليلة آنا اعتقد
ما تذكر اسمه بكثري
بديت العمر بسمه وردت
هم بسمه اختم عمري
كلـــت ذكـــروني اذكـــركــم
ولا مـــن رحمتـــي احرمـكــم
ذكـــرتك بالونيـــن
يا وافـــي بعهـــدك اذكـــرني
بإســـم حســـيني صبـــرني
بـــدعـــاء أم البنيـــن
كلهم احبهم بس يرب
هذا امام إزماني
ويا إذا صار الحشر
تحشرني مو وي ثاني
والغاب امامه المفترض
كل عمره يبقه يتاني
ويذكره كل لحظة وردت
لآخر نفس بالساني
بكثـــر ما حبـــه ظـــل ودي
اسمـــي بإسمـــه كل ولـــدي
وأكـــول مقصـــرين ..
يـــربي لا تنسينـــي
إمـــامي وهـــذا يـــكفينـــي
بـــدعـــاء أم البنيـــن
كل دعوه ادعيها بدمع
وحسين بس سالفتي
مضمون كل دعواتي الك
احسن يرب خاتمتي
خليني اموت ابدمعتي
اعله الغاب وبذاكرتي
اخرسني عن كل الحجي
بس اسمه خله ابشفتي
تحبنـــي ونـــورت دربـــي
وبحبـــه اتـــرست قلبـــي
ومليتـــه اعليـــه حنيـــن ...
اريـــد اعله اسمـــه وبنـــوحي
يـــربي وتنقبـــض روحـــي
بـــدعـــاء أم البنيـــن
كـلـمـات الشـــاعر : عـلـي الزيـــادي
تدوين: زهـــراء العبيـــدي
درر الـعـراق
رد مع اقتباس
المشاركة الأصلية كتبت بواسطة فلسفة شمعة
