بديني
نده الغبشه
اعله رملت صحره مو وردك
بديني
دمع جذاب
ما طاح لعزيز و لا حرك خدك
بديني
يالمبدي عليه الغرب بديني
و اشتلني
جذر محروك خاف تخضر سنيني
و اطحني ترب
ذريني وي الريح ضيع كل بخت طيني
لتخليلي ... اثر محبوب عند الغير يهواني
و لتخلي .... امل للشوك ما بيه عشك ثاني
شَوه ... كل عطر بيه بسحب دخان
كافي انشم
ضيع لوني بالمثله لجن منبوذ حمره ب دم
غنيني اسم منحور اريد انذم
سمسم لا تسمعهم دلحني لحد ال سم
اريد انعاف من اول
عليش انعاف من انحب
ليش الشدني بزنوده علك مبخوت
من يشفه مصيري انذب
جردني الاحساس
الشوك
المتانه
وبعد كلشي
اريد اصبح مجرد شي
حجر عالكاع
ما عنده كلب ينبض
مليت انجرح بانسان و اتندم
و اعيش ايامي عشرة عتب وي الحظ
حيدر الزاملي
رد مع اقتباس
