الشامة ليش !
الشامة ليش !
وسرچ المكنون من يالهفة لابد !!
ضمّي سرچ ..
ضمّي الهلال الجزه ولايات صدرچ
جوه الثياب أرد اعايد
هناك فيّ سدرة ومنام
ولحم طير وخمر بارد
جوه ثوبچ
لا حكومة !!
و لا مرض أسمه السياسة ..
ولا الگه اسمي بين الانذبحوا خبر بين الجرايد
جوه ثوبچ للتصوف غار و انا بروحي عابد
هناك كلشي هناك
جوه الثوب متبدي الصراط
مؤمن بثوبچ سمه وجنة خلد
وكلشي جوه الثوب إلي
بس عناگيد العنب !!
يَ أم العنب تذوي وتعاند
هناك روج .. ومرج بحرين
ونهد يقره بنهد
وبرزخ وتاريخ فضة
يبدي من شوگ الچفوف
وينتهي بحزن الگلايد
اغويني .. أرد امسح شبابيچ المدينة
اقريني ترتيلة عشگ
مليت من چذب المعابد
باسم الخاقاني
رد مع اقتباس
