هنا

[فقار الكرخي]

هويت
و وهدنت روحي بـ سموم أيفرهد بلوني

وبچيت ،،
وشاخت عيوني

مدري شمالني أ.من اعشگ ،،
أسبل گلبي لآخر حيل

ومدري شمالني أ.من أسهر ،،
أغرگ الليل

ولا نوبه تلگيت الـحزن بـ عـيون ما تغرگ
ولا نوبه تعديت العشگ بـ سنين ما تعتگ

أنه المحتام ،،
شوگ بگلبي مدري ألمن

حچي بعيوني مدري ليا أعيون أيصيح

الستاير تضحك بـ هويه ،،
وانه حزني حزن كل الستاير من تشح الريح

يـ شباچي ،،
العطش سوله ،،
أشنفع هذا البچي أ.من أيطيح ،،؟

اشنفع هذا السراب الـ ما يجي بـ گطره ،،؟

أنه مليت يا حزني ،،
عليش اتطوف ،،؟
ياهو الـ گالك حضره ،،؟

وياهو الـ سولفك يمي ،،؟

أنه مليت ،،
چي حزن الخلگ ساعات ،،
وانت اولايتك دمي

دفارگني ،،
وحگك لو وطن چا ما جزتني الناس
ولك لا انت خمره أ.ولا دليلي الكاس








جواد زغير

[صفاء العامري]

شكرا فقار ع الاختيار

[سمراء من قوم عيسى]

مدري شمالني أ.من اعشگ ،،
أسبل گلبي لآخر حيل

الله عليك اختيار مميز

[فقار الكرخي]

منورين